Alls tap­aði Icelandair 331 milljón dala á fyrstu sex mán­uðum árs­ins, sem sam­svarar tæpum 45 millj­örðum króna á gengi dags­ins í dag. Tapið er að stórum hluta af völdum kór­ónu­veiru­far­ald­urs­ins en ein­skipti­kostn­aður vegna veirunnar nam rétt rúm­lega 30 millj­örðum króna á fyrstu tveimur árs­fjórð­ungum árs­ins. 

Upp­gjör Icelandair fyrir annan árs­fjórð­ung var birt í dag. Á fjórð­ungnum nam tap félags­ins 12,3 millj­örðum króna eða 90,8 millj­ónum dala. 

Á fjórð­ungnum dróst fram­boð á far­þega­flugi saman um 97 pró­sent og far­þegum fækk­aði um 98 pró­sent. Eigið fé félags­ins nam 151,2 millj­örðum króna í lok júní og er eig­in­fjár­hlut­fall félags­ins ell­efu pró­sent. Þá nam lausa­fjár­staða félags­ins 21,3 millj­örðum króna í lok júní eða 152,5 millj­ónum dala. 

„Eins og í flug­heim­inum öll­um, hafði COVID-19 heims­far­ald­ur­inn gríð­ar­leg áhrif á rekstr­ar­nið­ur­stöðu ann­ars árs­fjórð­ungs hjá Icelandair Group. Þrátt fyrir að flug hafi legið nán­ast alveg niðri, eða ein­ungis þrjú pró­sent flug­á­ætl­unar okkar verið starf­rækt, lögðum við höf­uð­á­herslu á að tryggja lág­marks­flug­sam­göngur til og frá land­inu fyrir far­þega og frakt, bæði til Evr­ópu og Norður Amer­ík­u,“ er haft eftir Boga Nils Boga­syni, for­stjóra, í til­kynn­ingu frá félag­inu til Kaup­hallar Íslands. 

Þar segir einnig: „Við þurftum að grípa til erf­iðra en nauð­syn­legra aðgerða í fjórð­ungnum til að draga úr kostn­aði og útflæði fjár­magns sem meðal ann­ars fólu í sér veru­legar upp­sagnir og breyt­ingar á skipu­lagi félags­ins. Vinna við fjár­hags­lega end­ur­skipu­lagn­ingu félags­ins hefur staðið yfir und­an­farnar vikur og stefnum við að því að ljúka sam­komu­lagi við helstu hag­að­ila fyrir lok júlí­mán­aðar og hefja hluta­fjár­út­boð í ágúst.“