Tíu staðreyndir um hertar aðgerðir yfirvalda

Tveggja metra reglan verður skylda og það skal nota andlitsgrímur ef hana er ekki hægt að tryggja milli ótengdra einstaklinga. Frá og með hádegi á morgun mega ekki fleiri en 100 koma saman.

Frá og með hádegi á morgun þarf fólk sem notar strætó að bera grímu fyrir vitum.
Frá og með hádegi á morgun þarf fólk sem notar strætó að bera grímu fyrir vitum.
Auglýsing

1. Af hverju er verið að herða aðgerðir á ný?

Und­an­farna 10-14 daga hafa komið upp veik­indi vegna kór­ónu­veiru meðal ein­stak­linga sem ekki hafa ferð­ast erlendis frá sjálfir og sem ekki hafa tengsl við inn­flutt til­felli hér á landi í fyrsta sinn frá því að far­aldur sem gekk hér í vor leið undir lok. Fjöldi smita fer vax­andi og eru nú a.m.k. tvö hópsmit komin fram þar sem hluti smit­aðra hefur ekki klár far­alds­fræði­leg tengsl við aðra í hópn­um.

2. Hvernig hefur far­ald­ur­inn þró­ast á þessum 10-14 dög­um?

Í gær greindust tíu ný virk smit af kór­ónu­veirunni og því eru í dag 39 manns með COVID-19 og í ein­angr­un. Af þeim hafa 28 smit­ast hér á landi. Einn sjúk­lingur hefur verið lagður inn á Land­spít­al­ann vegna sjúk­dóms­ins. Það er í fyrsta skipti frá því í maí. 215 eru í sótt­kví en smitrakn­ingu er ekki lokið og því við­búið að það fjölgi í þeim hópi.

3. Hvenær voru síð­ast svona margir veikir af COVID-19 á land­inu?

Þann 4. maí voru virk smit 37. Þeim fækk­aði hratt næstu dag­ana á eft­ir. Frá því fyrsta smitið greind­ist 28. febr­úar hafa 1.872 fengið sjúk­dóm­inn hér á landi.

Auglýsing

4. Hve lengi munu hinar hertu aðgerðir vara?

Í ljósi stöð­unnar mælti sótt­varna­lækn­ir, í minn­is­blaði sem hann sendi heil­brigð­is­ráð­herra, með ýmsum ráð­stöf­unum til efl­ingar sótt­varna. Heil­brigð­is­ráð­herra hefur fall­ist á þær til­lögur og taka þær gildi um hádegi á morg­un, föstu­dag­inn 31. Júlí og gilda til 13. ágúst eða í tvær vik­ur.

5. Hvað felst í hinum hertu aðgerðum hér inn­an­lands?

Tak­mörkun á fjölda sem kemur saman mið­ast við 100 ein­stak­linga í stað 500. Börn fædd 2005 eða síðar eru und­an­skil­in.

Hvar sem fólk kemur saman og í allri starf­semi verði við­höfð sú regla að hafa a.m.k. 2 metra á milli ein­stak­linga.

Þar sem ekki er hægt að tryggja 2 metra fjar­lægð milli ótengdra ein­stak­linga er kraf­ist notk­unar and­lits­grímu.

Tveggja metra reglan hefur aftur verið kynnt til leiks. Mynd: EPA



Vinnu­stað­ir, opin­berar bygg­ing­ar, versl­anir og þjón­ustu­fyr­ir­tæki þurfa að tryggja að ekki séu fleiri en 100 manns í sama rými og að í minni rýmum séu ekki fleiri en svo að hægt sé að tryggja 2 metra fjar­lægð milli fólks.



Sund­laugar og veit­inga­staðir tryggi að gestir geti haft 2 metra bil á milli sín í öllum rýmum með fjölda­tak­mörkun í sam­ræmi við stærð hvers rým­is.



Sótt­varna­læknir leggur til að söfn, skemmti­staðir og aðrir opin­berir staðir geri hlé á starf­semi sé ekki hægt að tryggja að farið sé eftir fjölda­tak­mörkun eða að bil milli ótengdra aðila sé yfir 2 metr­um.

6. Hvað með aðgerðir á landa­mærum?



Sótt­varna­læknir mælir með að tvö­föld sýna­taka verði útvíkkuð til allra sem hingað koma frá áhættu­svæðum og dvelja hér 10 daga eða lengur með ráð­stöf­unum í sam­ræmi við það sem nefnt hefur verið heim­komusmit­gát þar til nei­kvæð nið­ur­staða fæst úr seinni sýna­töku.



Ef þessi ráð­stöfun ber ekki árangur og inn­lend smit koma upp tengd komu­far­þegum þrátt fyrir beit­ingu ofan­greindra ráð­staf­ana þarf hugs­an­lega að efla aðgerðir á landa­mærum enn frek­ar.

7. Hvað með sjúkra­hús og öldr­un­ar­heim­ili?



Land­spít­ali hefur nú verið færður af óvissu­stigi á hættu­stig vegna far­ald­urs COVID-19. Við­bragðs­á­ætlun Land­spít­ala vegna far­sótta hefur því verið virkjuð og funda við­bragðs­stjórn og far­sótta­nefnd dag­lega.



Dval­ar- og hjúkr­un­ar­heim­ilið Grund áréttar í dag vegna nýj­ustu frétta að ekki nema 1-2 komi í heim­sókn til hvers heim­il­is­manns. Á Hrafn­istu­heim­il­unum má aðeins einn aðstand­andi heim­sækja hvern íbúa hverju sinni.

8. Hver hafa við­brögðin ver­ið?



Þegar hefur mörgum hátíðum sem til stóð að færu fram um helg­ina verið aflýst. Má þar nefna Sælu­daga í Vatna­skógi, Eina með öllu á Akur­eyri og Skjald­borg­ar­há­tíð­inni á Pat­reks­firði. Þar sem aðeins mega koma saman 100 manns og Víðir Reyn­is­son segir að nú verði að hætta að finna leiðir fram hjá því, t.d. með sótt­varna­hólf­um, má gera ráð fyrir að all­flestum þeim skipu­lögðu við­burðum sem fram áttu að fara um helg­ina hafi verið slauf­að.



 Mjög mikilvægt er að allir þeir sem fá boð í skimun fari. Mynd: EPA

9. Á hvaða við­bún­að­ar­stigi almanna­varna erum við?

Ennþá er við­bún­aður almanna­varna á hættu­stigi en á blaða­manna­fundi í Safna­hús­inu í dag kom fram að það kunni að breyt­ast síðar í dag. Það sem kemur til greina er að hækka við­bún­að­inn aftur upp á neyð­ar­stig.

10. Hvað fellst í neyð­ar­stigi?



Neyð­ar­stig ein­kenn­ist af atburði sem valdið hefur slysum á fólki og/eða tjóni á mann­virkj­um. Verk­efni á þessu stigi ein­kenn­ast af taf­ar­lausum aðgerðum til lífs­bjarg­andi aðstoðar og við­leitni til að afstýra fleiri slysum og varna frekara tjóni. Um neyð­ar­stig er m.a. að ræða þegar slys eða ham­farir hafa orðið eða þegar heil­brigð­is­ör­yggi manna er ógnað svo sem vegna far­sótta.



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Atli Viðar Thorstensen
Hamfarasprengingar í Beirút
Kjarninn 8. ágúst 2020
Nýir íbúðareigendur velja nú frekar að taka lán hjá bönkum en lífeyrissjóðum.
Eðlisbreyting á húsnæðislánamarkaði – Lántakendur flýja lífeyrissjóðina
Í fyrsta sinn síðan að Seðlabanki Íslands hóf að halda utan um útlán lífeyrissjóða greiddu sjóðsfélagar upp meira af lánum en þeir tóku. Á sama tíma hafa útlán viðskiptabanka til húsnæðiskaupa stóraukist. Ástæðan: þeir bjóða nú upp á mun lægri vexti.
Kjarninn 8. ágúst 2020
Alma Möller, landlæknir á upplýsingafundi dagsins.
Alma: Ungt og hraust fólk getur orðið alvarlega veikt
„Það er ekki að ástæðulausu sem við erum í þessum aðgerðum,“ segir Alma D. Möller landlæknir. „Þessi veira er skæð og getur valdið veikindum hjá mjög mörgum ef ekkert er að gert.“ Maður á fertugsaldri liggur á gjörgæslu með COVID-19.
Kjarninn 8. ágúst 2020
Þórdís Kolbrún Reykfjörð Gylfadóttir, ferðamálaráðherra.
Ferðamálaráðherra: Áhættan er í mínum huga ásættanleg
„Áhættan af því að skima og hleypa fólki inn [í landið] er svo lítil,“ segir ferðamálaráðherra. „Ég bara get ekki fallist á þau rök að hún sé svo mikil að það eigi bara að loka landi og ekki hleypa fólki inn.“
Kjarninn 8. ágúst 2020
Kanaguri Shizo árið 1912 og við enda hlaupsins 1967.
Ólympíuleikunum frestað – og hvað svo?
Þann 24. júlí hefði opnunarathöfn Ólympíuleikanna 2020 átt að fara fram, en heimsfaraldur hefur leitt til þess að leikunum í Tókýó verður frestað um eitt ár hið minnsta. Það er ekki einsdæmi að Ólympíuleikum sé frestað eða aflýst.
Kjarninn 8. ágúst 2020
Þrjú ný innanlandssmit – 112 í einangrun
Þrjú ný innanlandssmit af kórónuveirunni greindust hér á landi í gær og tvö í landamæraskimun. 112 manns eru nú með COVID-19 og í einangrun.
Kjarninn 8. ágúst 2020
Unnur Sverrisdóttir, forstjóri Vinnumálastofnunar, á upplýsingafundi almannavarna fyrr á árinu.
Hafa fengið 210 milljónir til baka frá fyrirtækjum sem nýttu hlutabótaleiðina
Alls hafa 44 fyrirtæki endurgreitt andvirði bóta sem starfsmenn þeirra fengu greiddar úr opinberum sjóðum fyrr á árinu vegna minnkaðs starfshlutfalls. Forstjóri Vinnumálastofnunar segist „nokkuð viss“ um að öll fyrirtækin hafi greitt af sjálfsdáðum.
Kjarninn 8. ágúst 2020
Þórdís Kolbrún Reykfjörð Gylfadóttir.
Þórdís hafnar gagnrýni Gylfa – „Þekki ekki marga sem ætla að fara hringinn í október“
Ráðherra ferðamála segir gagnrýni hagfræðinga á opnun landamæra slá sig „svolítið eins og að fagna góðu stuði í gleðskap á miðnætti án þess að hugsa út í hausverkinn að morgni.“
Kjarninn 8. ágúst 2020
Meira úr sama flokkiInnlent