Starfs­maður dreif­ing­ar­fyr­ir­tækis í Bret­landi veitti umboðs­manni hljóm­sveit­ar­innar Hjalta­lín þau svör að Ísland væri eitt af lönd­unum sem fyr­ir­tækið ætti ekki að milli­færa til vegna aðgerða til þess að berj­ast gegn pen­inga­þvætti og fjár­mögnun hryðju­verka.

Stein­þór Helgi Arn­steins­son umboðs­maður hljóm­sveit­ar­innar greindi frá þessu á Twitter í dag. Í sam­tali við Kjarn­ann segir hann að Hjalta­lín hafi átt inni pen­ing hjá þessu til­tekna fyr­ir­tæki, en fyr­ir­tækið hafi verið að upp­færa kerfin hjá sér og því hafi hann þurft að setja aftur inn ban­ka­upp­lýs­ingar sveit­ar­inn­ar.

Það reynd­ist hins vegar ekki hægt, segir Stein­þór. Að gefa upp íslenskan banka­reikn­ing var ein­fald­lega ekki í boði, þrátt fyrir að hægt væri að velja banka­reikn­inga í ríkjum á borð við Afganistan og Sýr­land. Þegar skýr­inga var leitað bár­ust þau svör sem nefnd eru hér að ofan. 

Stein­þór segir að hljóm­sveitin muni sækja pen­ing­ana eftir öðrum leiðum en banka­milli­færslu. Hann hendir gaman að mál­inu, birtir mynd af sveit­inni og spyr: „Lítum við út eins og hryðju­verka­menn, Hr. Brown?” eins og fjöldi Íslend­inga gerði um árið. 

Ísland hefur verið á gráa lista Fin­ancial Act­ion Task Force (FATF) frá því í októ­ber í fyrra og greint hefur verið frá því að dæmi séu um að greiðslur til íslenskra við­skipta­banka- eða við­skipta­manna þeirra hafi taf­ist af þeim sök­um, sem og að erlendir bankar hafi alfarið hafnað því að hafa milli­göngu um greiðslur til og frá land­inu, eins og virð­ist til­fellið í sam­skiptum Hjalta­lín við breska fyr­ir­tæk­ið.

Stjórn­völd búast við því að losna af list­anum í októ­ber

Á alls­herj­ar­fundi FAFT í júní­mán­uði var nið­ur­staða sér­fræð­inga­hóps sem hefur metið þær úrbætur sem íslensk stjórn­völd hafa unnið að til þess að losna af gráa list­anum væri lokið með full­nægj­andi hætt­i. 

Ferl­inu er þó ekki alveg lok­ið, því sam­kvæmt yfir­lýs­ingu stjórn­valda um málið er búist við því að full­trúar þessa sama sér­fræð­inga­hóps komi til Íslands í byrjun sept­em­ber í vett­vangs­at­hug­un, til þess að stað­festa árang­ur­inn.

Ef vett­vangs­at­hug­unin stað­festir árangur Íslands varð­andi þær úrbætur sem farið var fram á má gera ráð fyrir að lögð verði fram til­laga um að Íslands verði tekið af gráa list­anum á fundi sem ráð­gert er að halda í októ­ber.