Smári McCart­hy, þing­maður Pírata og nefnd­ar­maður í efna­hags- og við­skipta­nefnd, spurði Ásgeir Jóns­son seðla­banka­stjóra um fjár­fest­ingar rík­is­ins á opnun fundi hjá nefnd­inni í morgun þar sem fjallað var um skýrslu pen­inga­­stefn­u­­nefndr­ar Seðla­banka Íslands til Alþing­­is. 

Ásgeir svar­aði því meðal ann­ars til að honum þætti „al­­veg stór­und­­ar­­legt og ámæl­is­vert að Sunda­braut hafi ekki verið byggð miðað við þá um­­ferð sem er í bæn­­um.“ Vand­inn við inn­viða­fjár­fest­ingar á borð við Sunda­braut væri tækni­legur en að hægur leikur væri að fjár­magna slíka fram­kvæmd. 

Smári tjáir sig um málið í stöðu­upp­færslu á Face­book og byrjar þá færslu með því að velta fyrir sér hvort að Ásgeir langi í vinnu hjá Vega­gerð­inni. Hann hafi ekki verið að spyrja seðla­banka­stjóra um sam­göngu­mál, heldur fjár­fest­ingar hjá rík­inu almennt. 

Smára fannst mjög sér­stakt að heyra seðla­banka­stjóra tala um Sunda­braut og aðrar vega­fram­kvæmdir í stað þess að svara hag­fræði­legri spurn­ingu sinni um fjár­fest­ingar á vegum rík­is­ins og mik­il­vægi þess að auka fjár­fest­ing­ar. „Nú vill þannig til að Ásgeir er ekki sér­fræð­ingur í vega­gerð, borg­ar­þró­un, umhverf­is­mál­um, eða álíka. Hann á að heita sér­fræð­ingur í hag­kerf­inu, og þegar hann er boð­aður á fund Efna­hags- og við­skipta­nefndar sem slíkur sér­fræð­ing­ur, og sem Seðla­banka­stjóri, þá væri best ef hann myndi halda sig við þannig umræð­u,“ skrifar Smári og bætir við: „Þetta var eig­in­lega galið hjá Ásgeiri. Ég gat bara ekki svarað þessu á meðan á fund­inum stóð vegna tíma­skorts.“