Kallar eftir hækkun grunnatvinnuleysisbóta

„Það bara er skylda stjórnmálamanna við þessar aðstæður að koma í veg fyrir að hér skapist neyð og fátækt á þúsundum heimila,“ sagði Oddný G. Harðardóttir í Vikulokunum í dag. Atvinnuástandið á Suðurnesjum er grafalvarlegt að hennar mati.

Oddný G. Harðardóttir er þingmaður Samfylkingarinnar í Suðurkjördæmi.
Oddný G. Harðardóttir er þingmaður Samfylkingarinnar í Suðurkjördæmi.
Auglýsing

Hækkun grunnatvinnuleysisbóta er nauðsynleg til þess að ekki skapist neyð á þúsundum heimila vegna atvinnuleysis að mati Oddnýjar G. Harðardóttur, þingmanns Samfylkingarinnar. Þetta sagði Oddný í Vikulokunum á Rás 1 fyrr í dag. 


Hún sagði að margar af þeim aðgerðum sem ríkisstjórnin hefði gripið til til að mæta efnahagslegum áhrifum kórónuveirufaraldursins væru góðar og gildar en hún hefði viljað sjá grunnatvinnuleysisbætur hækka í nýju frumvarpi félags- og barnamálaráðherra um vinnumarkaðsúrræði. „Það bara er skylda stjórnmálamanna við þessar aðstæður að koma í veg fyrir að hér skapist neyð og fátækt á þúsundum heimila,“ sagði Oddný meðal annars í þættinum.


„Nú eru tólf þúsund manns á Íslandi sem þurfa að framfleyta sér á grunnatvinnuleysisbótum, sem eru rétt um 290 þúsund krónur fyrir skatt. Það sér hver maður að þetta gengur ekki. Þarna þarf að bæta í og við munum taka okkur tíma í þinginu til að ræða þau mál, fara yfir stöðu þess fólks og hvað eiginlega það á að þýða að halda þeim í neyð þegar lyft er undir með öðrum,“ sagði Oddný í Vikulokunum. Nú þegar væri búið að fleyta fyrirtækjum yfir erfiðan hjalla og það sama þyrfti að gera fyrir heimilin að mati hennar.

Auglýsing

Atvinnuástandið „grafalvarlegt“ á Suðurnesjum

Oddný tók stöðu Suðurnesja sérstaklega fyrir í þættinum. „Hjartað í mér slær hratt þegar ég tala um þessi mál því á mínu heimasvæði er grafalvarlegt ástand. Þar er ein af hverjum fimm konum atvinnulaus og atvinnuleysi í heild í júli var 16,5 prósent á Suðurnesjum,“ sagði hún. 


Í síðustu mánaðarskýrslu Vinnumálastofnunar um vinnumarkaðinn á Íslandi kemur fram að í síðasta mánuði hafi samanlagt atvinnuleysi, það er almennt atvinnuleysi og atvinnuleysi vegna minnkaðs starfshlutfalls, lækkað milli mánaða alls staðar á landinu nema á Suðurnesjum en um mánaðamótin síðustu var samanlagt atvinnuleysi þar 16,5 prósent líkt og kom fram í máli Oddnýjar. Á milli júní og júlí hækkaði almennt atvinnuleysi á svæðinu úr 13,2 prósentum upp í 15,2 prósent, atvinnuleysi vegna minnkaðs starfshlutfalls lækkaði hins vegar úr 2,6 prósentum í 1,2 prósent. Í skýrslunni kemur einnig fram að í öllum mánuðum ársins hefur atvinnuleysi mælst mest á Suðurnesjum.


Þar hefur atvinnuleysi vaxið með hverjum mánuðinum í ár og nú síðast í gær sendi Isavia frá sér tilkynningu þess efnis að félagið hefði sagt upp 133 starfsmönnum. Í tilkynningunni kom fram að fjöldi ferðamanna hafi vaxið stöðugt í sumar en algjör viðsnúningur hefði orðið í kjölfar ákvörðunar um tvöfalda sóttkví. Forsendur fyrir veturinn væru því brostnar og því útlit fyrir að verkefni verði af skornum skammti fyrir hóp starfsmanna félagsins á næstu mánuðum.


Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Fékk „bakteríuna“ eftir Söngvakeppni sjónvarpsins
„Lögin hafa orðið til á yfir 20 ára tímabili og er því nokkur breidd í þessu hjá mér; allt frá stígandi ballöðum til eins konar rokkóperu,“ segir Pétur Arnar Kristinsson sem blásið hefur til söfnunar fyrir útgáfu fyrstu breiðskífu sinnar.
Kjarninn 1. ágúst 2021
Smári McCarthy er að hætta á þingi og ætlar í kjölfarið að láta reyna á sitt eigið hugvit í tengslum við loftslagsbreytingar.
„Flokkarnir voru að þvælast fyrir hvorum öðrum“ og niðurstaðan varð núll
Smára McCarthy fráfarandi þingmanni Pírata finnst sem undanfarin fjögur ár hafi litast af því að lítið ráðrúm hafi verið til þess að ræða pólitík, þar sem stjórnarflokkarnir eru ósammála um mörg grundvallarmálefni.
Kjarninn 1. ágúst 2021
Það er fremur fátítt að sólarhringsúrkoma í Reykjavík mælist meira en 20 mm eða meiri að sumarlagi.
Rignir af meiri ákefð nú en áður?
Fátt bendir til þess að Ísland sleppi alfarið við aftakaúrkomu sem nágrannaríki okkar hafa upplifað á síðustu árum, skrifar Einar Sveinbjörnsson veðurfræðingur og veltir fyrir sér getu fráveitukerfa til að taka við meiriháttar vatnsflaumi.
Kjarninn 1. ágúst 2021
Norska kvennaliðið í strandhandbolta að loknu Evrópumeistaramótinu í Búlgaríu á dögunum.
Bikiní- og stuttbuxnadeilan
Nýafstaðið Evrópumeistaramót í strandhandbolta vakti mikla athygli víða um heim. Það var þó ekki keppnin sjálf sem dró að sér athyglina heldur deilur um klæðnað. Nánar tiltekið klæðnað norska kvennalandsliðsins.
Kjarninn 1. ágúst 2021
Joe Biden forseti Bandaríkjanna tilkynnti í apríl að viðskiptaþvingunum yrði beitt á Rússland vegna njósnanna.
Brotist inn í tölvupósta bandarískra saksóknara
Óttast er að viðkvæmum gögnum hafi verið stolið er brotist var inn í tölvur tæplega þrjátíu embætta saksóknara í Bandaríkjunum á síðasta ári. Bandarísk yfirvöld telja Rússa standa að baki árásinni.
Kjarninn 31. júlí 2021
Eftir helgi verða breytingar á ferðatakmörkunum til Bretlands.
Fagna ákvörðun Breta um að bólusettir sleppi við sóttkví
„Hvenær ætla Bandaríkin að svara í sömu mynt?“ spyrja Alþjóða samtök flugfélaga sem fang ákvörðun Breta um að aflétta sóttkvíarkröfum á bólusetta farþega frá Bandaríkjunum og ESB-ríkjum.
Kjarninn 31. júlí 2021
Eggert Gunnarsson
Hamfarakynslóðin
Kjarninn 31. júlí 2021
Frá aðdáun til andófs í álfu strangra takmarkana
Í Eyjaálfu hefur „núllstefnan“ í baráttunni við kórónuveiruna skilað eftirtektarverðum árangri og engin smit hafa greinst í nokkrum ríkjum. Eftir að smitum fjölgaði í Ástralíu og útgöngubann var sett á fannst mörgum nóg komið.
Kjarninn 31. júlí 2021
Meira úr sama flokkiInnlent