Sprota­fyr­ir­tækið Avo, sem sér­hæfir sig í gagna­stjórnun fyr­ir­tækja, hefur tryggt sér fjár­mögnun að and­virði 419 millj­óna króna frá fjár­festa­hópi úr Kís­ildaln­um. Þetta kemur fram í frétta­til­kynn­ingu frá fyr­ir­tæk­inu fyrr í dag. 

Sam­kvæmt til­kynn­ing­unni er fjár­festa­hóp­ur­inn leiddur af banda­ríska vís­i­sjóðnum GGV Capital, sem sér­hæfir sig í fjár­fest­ingum í nýsköpun á ýmsum þró­un­ar­stigum fyr­ir­tækja og stýrir um sex millj­örðum dala, sem sam­svarar 840 millj­örðum króna.

Sjóð­irnir Hea­vybit og Y comb­inator tóku einnig þátt í fjár­fest­ing­unni. Hea­vybit sér­hæfir sig í að fjár­festa í for­rit­ara­lausnum, en Y Comb­inator er nýsköp­un­ar­hrað­all sem hefur fjár­fest í Air­bnb, Stripe og Drop­box. 

Einnig tóku íslensku fjár­fest­inga­sjóð­irnir Brunnur og Crowberry þátt í fjár­mögn­unni, auk ann­arra fjár­festa úr Kís­ildaln­um. 

Avo er sprota­fyr­ir­tæki sem var stofnað árið 2018 af Stef­aníu Bjarn­eyju Ólafs­dóttur og Sölva Loga­syni, en þau unnu bæði hjá íslenska tölvu­leikja­fyr­ir­tæk­inu Plain Vanilla Games við gerð leikj­ar­ins QuizUp. Fyr­ir­tækið sér­hæfir sig í skipu­legg­ingu, skrán­ingu og stjórnun gagna fyrir fyr­ir­tæki. Sam­kvæmt til­kynn­ing­unni sam­þætt­ist AVO við önnur grein­ing­ar­tól sem fyr­ir­tæki eru þegar með í notk­un, „svo að teymi geti gefið vörur sínar hraðar út án þess að fórna gagna­gæð­un­um.”