Eljusamur sonur jarðarberjabænda verður arftaki Abe

Japanska þjóðþingið mun á morgun setja Yoshihide Suga, nýjan leiðtoga Frjálslynda flokksins, formlega í embætti forsætisráðherra landsins. Suga er 71 árs gamall og segist gera 200 magaæfingar á dag.

Yoshihide Suga, verðandi forsætisráðherra Japans.
Yoshihide Suga, verðandi forsætisráðherra Japans.
Auglýsing

Á morgun mun japanska þjóðþingið, Dietið, kjósa sér nýjan forsætisráðherra. Fastlega má reikna með því að þar muni nýkjörinn leiðtogi Frjálslynda flokksins LDP, Yoshihide Suga, verða kjörinn, enda ákváðu þingmenn flokksins í gær að hann skyldi taka við keflinu af Shinzo Abe, sem hefur yfirgefið stjórnmálasviðið vegna heilsufarsvandamála.

Suga hefur verið hægri hönd Abe árum saman og helsti talsmaður japönsku ríkisstjórnarinnar út á við síðustu átta árin. Talið er ólíklegt að stefna stjórnvalda muni breytast mikið þegar Suga tekur við, en hann af flestum talinn ætla að halda áfram á svipaðri braut og framfylgja stefnumálum Abe. „Abenomics“-vaxtarstefnan í efnahagsmálum sem Abe kynnti til sögunnar skömmu eftir að hann tók við hjaðnandi hagkerfi Japans árið 2012 er því ekki talin á útleið.

En Suga er þó um margt ólíkur forvera sínum. Fyrir það fyrsta, þá er Suga sonur jarðarberjabænda sem nú hefur brotist til æðstu metorða eftir áratugalangan stjórnmálaferil, 71 árs að aldri. Abe er hins vegar yfirstéttarmaður með stjórnmálin í blóðinu, sonur fyrrverandi utanríkisráðherra og afastrákur fyrrverandi forsætisráðherra.

Auglýsing

Suga gerði uppruna sinn að umræðuefni er hann þakkaði þingmönnum flokksins fyrir að velja sig með yfirgnæfandi meirihluta í gær. „Án nokkurrar þekkingar eða blóðtengsla, steypti ég mér inn í heim stjórnmálanna, byrjaði frá grunni og hefur nú tekist að verða leiðtogi LDP, með allar hans hefðir og sögu,“ sagði Suga.

Verðandi forsætisráðherra er lögfræðingur að mennt, en hann flutti ungur að aldri úr sveitasamfélaginu í Yuzawa og til Tókíó, þar sem hann starfaði um hríð í pappakassaverksmiðju og einnig á fiskmarkaði, til þess að safna sér fyrir háskólanámi.

Skömmu eftir útskrift úr háskóla fór hann að starfa sem ritari þingmanns frá hafnarborginni Yokohama. Þar settist hann að og ákvað síðan að það væri hans köllun að beita sér sjálfur í stjórnmálum. Hann bauð sig fram í borgarstjórn í Yokohama árið 1986, án tengsla og reynslu, en er sagður hafa bætt upp fyrir það með dugnaði.

Sagt er að Suga hafi, í sinni fyrstu kosningabaráttu, farið hús úr húsi þegar hann var í framboði, heimsótt 300 hús á dag eða 30.000 hús í heildina. Þegar kjördagur rann upp hafði hann gengið sólann úr sex skópörum. Og það hreif. Suga var í borgarstjórn í Yokohama þar til hann færði sig yfir í landsmálin og var kjörinn á þing árið 1996.

Óumdeildur en ef til vill lítt spennandi

Síðan þá hefur hann unnið sig hægt og bítandi upp metorðastigann innan flokksins, en það hefur aldrei borið neitt sérlega mikið á honum, þrátt fyrir að honum hafi verið treyst fyrir ráðherrastöðum og samskiptum ríkisstjórnarinnar út á við síðustu átta árin, eins og áður var nefnt.

Koichi Nakano, stjórnmálafræðiprófessor við Sofíu-háskólann í Tókíó, segist í samtali við BBC telja að Shinzo Abe og aðrir helstu leiðtogar flokksins hafi valið Suga til þess að taka við það sem hann væri sá sem væri best til þess fallinn að leiða áframhaldandi stjórn út þetta kjörtímabil, sem nær fram í október á næsta ári, með þær áherslur sem Abe hafði sett. Hann væri ekki endilega mest spennandi kosturinn, en sá öruggasti.

Suga er maður sem vaknar á morgnana, les öll helstu dagblöð, gerir 100 magaæfingar og fer svo í langan göngutúr, sama hvernig viðrar. Svo vinnur hann vinnuna sína og gerir síðan aðrar 100 magaæfingar á kvöldin, eins og hann lýsti í viðtali við Nikkei í fyrra.

Óljóst þykir hvernig Suga muni ganga að ná hylli kjósenda fari svo að hann verði leiðtogi LDP í næstu kosningum, enda gengur hann ekki inn í glæstar aðstæður. Stjórnvöld þykja ekki hafa náð að ráða neitt sérlega vel við kórónuveirufaraldurinn og efnahagssamdrátturinn vegna hans er sá mesti sem Japan hefur upplifað frá upphafi mælinga.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorkell Sigurlaugsson og Sigmar Vilhjálmsson sitja báðir í undirbúningsnefnd hins nýja félags.
Unnið að stofnun nýrra hagsmunasamtaka lítilla og meðalstórra fyrirtækja
Atvinnufjélaginu er ætlað að vera málsvari fyrir hagsmuni einyrkja og lítilla og meðalstórra fyrirtækja í íslensku atvinnulífi. Þörfin á slíkum samtökum atvinnurekenda er sögð mikil af hálfu stofnenda.
Kjarninn 16. september 2021
Tryggvi Rúnar Brynjarsson
Í Dal hinna föllnu
Kjarninn 16. september 2021
Sif Sigmarsdóttir
Hvernig viljum við lifa?
Kjarninn 16. september 2021
Arnhildur Hálfdánardóttir fékk fjölmiðlaverðlaun umhverfis- og auðlindaráðuneytisins í fyrra fyrir þáttaröðina Loftslagsþerapían. Hún er þar með síðasti handhafi þeirra verðlauna.
Hætta að veita fjölmiðlaverðlaun á degi íslenskrar náttúru
Algjör sprenging hefur orðið í umfjöllun fjölmiðla um loftslags- og umhverfismál og því telur umhverfis- og auðlindaráðuneytið ekki lengur þörf á að verðlauna miðla sérstaklega fyrir slíkan fréttaflutning.
Kjarninn 16. september 2021
Sif Konráðsdóttir
Áratugur Árósasamnings
Kjarninn 16. september 2021
Katrín Jakobsdóttir forsætisráðherra í Forystusætinu á RÚV í gærkvöldi.
Framlög til barnabótakerfisins aukin og fleiri fá þær, en raunvirði bóta hefur lítið hækkað
Staðreyndavakt Kjarnans skoðar fullyrðingu Katrínar Jakobsdóttur um að ríkisstjórn hennar hafi aukið við barnabótakerfið og tryggt að það nái til fleiri en það gerði fyrir fjórum árum síðan.
Kjarninn 15. september 2021
Bjarni Benediktsson og Katrín Jakobsdóttir.
Rúm 40 prósent vilja að Katrín verði áfram forsætisráðherra
Í niðurstöðum könnunar á vegum ÍSKOS kemur í ljós að langflestir vilja að Katrín Jakobsdóttir verði áfram forsætisráðherra. Athygli vekur að Bjarni Benediktsson nýtur minni stuðnings í embættið en Sjálfstæðisflokkurinn nýtur í könnunum.
Kjarninn 15. september 2021
Eyþór Eðvarðsson
Rétturinn til að deyja
Kjarninn 15. september 2021
Meira úr sama flokkiErlent