„Nú flyt ég ykkur þær fréttir að ég hef greinst með COVID-19.“ Þannig hefst færsla Helga Hrafns Gunn­ars­son­ar, þing­manns Pírata, á Face­book í dag. Alls greindust nítján inn­an­lands­smit í gær og voru þau öll á höf­uð­borg­ar­svæð­inu. Sjö þeirra sem greindust voru í sótt­kví.

Helgi Hrafn bendir á í færslu sinni að þingið hafi ekki verið starf­andi síðan 4. sept­em­ber, og taki ekki til starfa aftur fyrr en 1. októ­ber. „Þannig að þótt COVID-19 smit sé alltaf óheppi­legt, þá er tíma­setn­ingin gagn­vart þing­störfum ekki sú versta upp á smit­leiðir og þing­störf að gera. Að sjálf­sögðu er þó farið í einu og öllu eftir til­mælum og ráð­gjöf sótt­varn­ar­yf­ir­valda þegar kemur að þing­lokknum og starfs­fólki hans, t.d. hvað varðar sótt­kví. Þá er Alþingi að sjálf­sögðu með­vitað um stöð­una og hefur gert við­eig­andi ráð­staf­an­ir.“

Hann segir að af þeirri örstuttu reynslu sem hann hafi af þessum sjúk­dómi sé honum orðið ljóst að fólk verði hratt ótta­slegið og óþreyju­fullt eftir upp­lýs­ing­um. Hann minnir því á að þetta sé ferli, og að smitrakn­ing taki ein­hvern tíma.

Heilsan ágæt enn sem komið er

„Grein­ingin kom í gær­kvöldi og ég hef gert lítið annað en að tala við fólk, ýmist sér­fræð­inga eða nákomna, sinna smitrakn­ingu og til­flutn­ingi í ein­angr­un,“ skrifar þing­mað­ur­inn.

Hvað varðar heilsu hans þá er hún ágæt enn sem komið er, að hans sögn „en auð­vitað verðum við bara að sjá hvað set­ur. Ég fæ heil­ræði frá þeim sem þekkja best til“.

Helgi Hrafn hvetur fólk að end­ingu til að fara var­lega. „Það kom mér ekki minna á óvart að smit­ast en það kæmi þér að smit­ast núna. Við erum öll almanna­varn­ir.“

Í til­kynn­ingu frá skrif­stofu Alþingis segir að þeim sem hafa verið í sam­skiptum við þing­mann­inn und­an­farna daga hafi verið greint frá stöð­unni eftir því sem unnt er. 

„Unnið er að smitrakn­ingu og verður gripið til frek­ari sótt­varn­ar­ráð­staf­ana í hús­næði þings­ins sam­kvæmt við­bragðs­á­ætlun Alþing­is. Smitið hefur ekki bein áhrif á þing­haldið þar eð fundum Alþingis var fyrr í mán­uð­inum frestað til 1. októ­ber.“