Austfirskir kjósendur fóru í fýluferð til sýslumanns

Dómsmálaráðuneytið þurfti að minna embætti sýslumannsins á höfuðborgarsvæðinu á að það væru sveitarstjórnarkosningar í gangi í nýju sveitarfélagi á Austurlandi. Tveimur hið minnsta var vísað frá, er þeir reyndu að greiða atkvæði utan kjörfundar.

Að minnsta kosti tveir austfirskir kjósendur höfðu ekki erindi sem erfiði þegar þeir gerðu sér ferð til þess að kjósa í sveitarstjórnarkosningum helgarinnar hjá sýslumanninum á höfuðborgarsvæðinu.
Að minnsta kosti tveir austfirskir kjósendur höfðu ekki erindi sem erfiði þegar þeir gerðu sér ferð til þess að kjósa í sveitarstjórnarkosningum helgarinnar hjá sýslumanninum á höfuðborgarsvæðinu.
Auglýsing

Odd­viti Fram­sókn­ar­flokks­ins í nýju sam­ein­uðu sveit­ar­fé­lagi á Aust­ur­landi fer fram á afsök­un­ar­beiðni frá emb­ætti sýslu­manns­ins á höf­uð­borg­ar­svæð­inu og þeim yfir­völdum sem fara með fram­kvæmd kosn­inga á Íslandi, vegna mis­brests sem varð við fram­kvæmd utan­kjör­fund­ar­at­kvæða­greiðslu á höf­uð­borg­ar­svæð­in­u. 

Kosið er til sveit­ar­stjórnar í nýja sveit­ar­fé­lag­inu, sem lík­lega fær nafnið Múla­þing, á morg­un. Opið hefur verið fyrir utan­kjör­fund­ar­at­kvæða­greiðslu hjá sýslu­manns­emb­ættum um allt land frá 25. júlí. Eða svo átti að vera.

Aust­ur­frétt sagði frá því í vik­unni að heyrst hefði af því að kjós­endur sem ætl­uðu að nýta kosn­inga­rétt sinn á höf­uð­borg­ar­svæð­inu og koma atkvæðum sínum austur á land hefðu fengið þau svör hjá sýslu­manns­emb­ætt­inu að starfs­menn könn­uð­ust ekk­ert við þessar meintu kosn­ing­ar, eða að hjá þeim ætti að vera hægt að kjósa utan kjör­fund­ar.

Auglýsing

Stefán Bogi Sveins­son, odd­viti Fram­sóknar og for­seti bæj­ar­stjórnar Fljóts­dals­hér­aðs, sagði í færslu á Face­book í gær að málið væri lýsandi dæmi um það sem íbúar lands­byggð­anna þyrftu að glíma við.

Stefán Bogi Sveinsson. Mynd: Framsóknarfélag Múlaþings

„Við göngum til mik­il­vægra kosn­inga en sú stofnun sem er ætlað að tryggja að íbúar geti nýtt lýð­ræð­is­legan rétt sinn kann­ast bara ekk­ert við mál­ið. Virð­ing­ar- og skeyt­ing­ar­leysið í þessu gengur langt út yfir allan þjófa­bálk. Fólk var að taka sér tíma til að fara á skrif­stof­urnar í Kópa­vogi og mætti síðan þessu við­horfi. Gjör­sam­lega óþol­andi og ég ætl­ast til þess að Sýslu­mað­ur­inn á höf­uð­borg­ar­svæð­inu og þau yfir­völd sem bera ábyrgð á fram­kvæmd kosn­inga hér á landi biðj­ist opin­ber­lega afsök­un­ar,“ skrif­aði Stefán Bogi.

Vitað um tvö til­vik – báðir búnir að kjósa núna

Róbert Ragn­ars­son, sem er starfs­maður und­ir­bún­ings­stjórnar vegna sam­ein­ing­ar­innar eystra, segir í sam­tali við Kjarn­ann að ein­hver mis­skiln­ingur virð­ist hafa komið upp innan emb­ættis sýslu­manns­ins á höf­uð­borg­ar­svæð­inu og að hann viti til þess að tveir kjós­endur hafi verið sendir í burtu eftir að hafa gert sér ferð til þess að greiða atkvæði.

Þegar hann heyrði af þessu setti hann sig strax sam­band við dóms­mála­ráðu­neyt­ið, sem hnykkti á því við sýslu­manns­emb­ættið að utan­kjör­fund­ar­at­kvæða­greiðsla væri í gangi. Báðir kjós­end­urnir sem Róbert veit til þess að vísað hafi verið í burtu sneru aftur til sýslu­manns og hafa greitt atkvæði.

Bjarni Björg­vins­son, for­maður yfir­kjör­stjórnar í nýja sveit­ar­fé­lag­inu, segir við Kjarn­ann að utan­kjör­fund­ar­at­kvæða­greiðslan sé algjör­lega á for­ræði sýslu­manns­emb­ætt­anna hring­inn um land­ið. Hann sagði einnig að eitt­hvað virð­ist hafa skort upp á upp­lýs­inga­flæðið fyrir sunn­an, því mið­ur, en að hann vissi ekki betur en að búið væri að bæta úr því.

Heima­stjórn­ar­fram­bjóð­endur komnir fram

Auk hefð­bund­inna lista­kosn­inga til sveit­ar­stjórnar nýja sveit­ar­fé­lags­ins, þar sem fimm fram­boð kepp­ast um sæti, verður einnig per­sónu­kjör til svo­kall­aðra heima­stjórna, sem verða fjórar tals­ins. Allir íbúar með kosn­inga­rétt eru í raun í fram­boði til þess­ara heima­stjórna, en kjós­­endur munu þurfa að skrá bæði fullt nafn og heim­il­is­­fang fram­­bjóð­enda til heima­­stjórnar á kjör­­seð­il­inn – og það má bara kjósa einn ein­stak­l­ing.

Bjarni segir að í raun sé atkvæða­greiðslan alveg tvö­föld, kjós­endur muni fá tvo kjör­seðla, einn til sveit­ar­stjórnar og annan til heima­stjórn­ar. Spurður hvort það gæti ekki reynst tíma­frekt að telja atkvæðin til heima­stjórna segir Bjarni að það gæti orðið „ein­hver Excel-vinna“ en bendir um leið á að þeir sem hafi hug á því að taka sæti í heima­stjórnum séu búnir að gefa kost á sér form­lega og upp­lýs­ingar um fram­bjóð­endur séu aðgengi­legar á vef nýja sveit­ar­fé­lags­ins. Því sé ólík­legra að atkvæðin dreif­ist á mjög marga.

Ekk­ert verður þó á kjör­stöðum til þess að minna á það hverjir eru í fram­boði til kjör­stjórna, kjós­endur fá ein­fald­lega tóman kjör­seðil þar sem þeir eiga að skrifa nafn og heim­il­is­fang þess sem þeir ætla að kjósa.

Bjarni segir að íbúa­skrár verði aðgengi­legar á kjör­stöð­um, en best væri þó ef kjós­endur myndu hafa heim­il­is­fang þess sem þeir ætla að kjósa í heima­stjórn á morgun á hreinu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Tæknivarpið
Tæknivarpið
Tæknivarpið – iPod lagður til grafar
Kjarninn 16. maí 2022
Dagur B. Eggertsson, borgarstjóri í Reykjavík.
Samfylkingin, Píratar og Viðreisn ætla að fylgjast að við meirihlutamyndun í Reykjavík
Þrír flokkar úr fráfarandi meirihluta ætla að fylgjast að í komandi meirihlutaviðræðum í Reykjavík. Þeir eiga tvo möguleika á meirihlutamyndun en haldi samfylgd flokkanna þá eru engir aðrir mögulegir meirihlutar án þeirra í stöðunni.
Kjarninn 16. maí 2022
Guðmundur Árni óskar eftir viðræðum um myndun nýs meirihluta með Framsókn
Samfylkingin bætti við sig um níu prósentustigum af fylgi í Hafnarfirði og er nú með jafn marga bæjarfulltrúa og Sjálfstæðisflokkur, sem tapaði einum. Framsókn er samt með öll tromp á hendi og getur valið með hvorum flokknum myndaður verður meirihluti.
Kjarninn 16. maí 2022
Nýtt valdajafnvægi á Norður-Írlandi – Sögulegur kosningasigur en snúin staða
Í fyrsta skipti í hundrað ára sögu Norður-Írlands er lýðveldisflokkur með flestu sætin á þinginu í Stormont. Óljóst er hins vegar hvort kosning um sameiningu Írlands sé í sjónmáli.
Kjarninn 15. maí 2022
Líf Magneudóttir, oddviti Vinstri grænna í Reykjavík.
Vinstri græn vilja ekki taka þátt í meirihlutaviðræðum
Oddviti Vinstri grænna í Reykjavík segir niðurstöðu kosninganna vonbrigði. Flokkurinn ætlar ekki að sækjast eftir því að sitja áfram í meirihluta. Oddviti Viðreisnar vonast hins vegar til að starfa áfram í meirihluta.
Kjarninn 15. maí 2022
„Börn eiga fyrst og fremst að leika sér og hlæja – ekki þjást og gráta“
Myndlistarmaðurinn Jón Magnússon safnar fyrir prentun á myndlistarbókinni „Á meðan ...“ sem er til styrktar starfi Unicef í Úkraínu.
Kjarninn 15. maí 2022
Bjarni Benediktsson, formaður Sjálfstæðisflokksins, Katrín Jakobsdóttir, formaður Vinstri grænna, og Sigurður Ingi Jóhannsson, formaður Framsóknarflokksins.
Skýrt ákall um breytingar en erfitt að draga heildstæða ályktun
Formenn ríkisstjórnarflokkanna segja niðurstöður sveitarstjórnarkosningar skýrar en túlka hana með mismunandi hætti. Formaður Framsóknarflokksins segir flokkinn í borginni, sem vann mikinn kosningasigur, fara í meirihlutaviðræður af yfirvegun.
Kjarninn 15. maí 2022
Einar Þorsteinsson, ddviti Framsóknarflokksins í Reykjavík, sem vann stóran sigur, segir borgarstjórastólinn ekki vera markmið í sjálfu sér.
Borgarstjórastóllinn ekki markmið í sjálfu sér
Oddvitar stærstu flokkanna í Reykjavík eru varkárir í yfirlýsingum um nýtt meirihlutasamstarf en telja rétt að fráfarandi meirihlutaflokkar stilli saman strengi. Oddviti Framsóknarflokksins segir borgarstjórastólinn ekki vera markmið í sjálfu sér.
Kjarninn 15. maí 2022
Meira úr sama flokkiInnlent