Stór hluti bílstjóra væri til í að breyta ferðavenjum sínum

Langflestir keyra til og frá vinnu á sínum einkabíl á höfuðborgarsvæðinu, þrátt fyrir að þeim fari fækkandi á milli ára. Tæpur helmingur þeirra sem keyra væru til í að ferðast með öðrum hætti til og frá vinnu, samkvæmt nýrri ferðavenjukönnun frá Maskínu.

Þeim sem fara akandi í vinnuna fækkar á milli kannana, en í júní sögðust 63,3 prósent svarenda oftast fara keyrandi á einkabíl og 8 prósent sögðu að þeim væri skutlað í vinnuna.
Þeim sem fara akandi í vinnuna fækkar á milli kannana, en í júní sögðust 63,3 prósent svarenda oftast fara keyrandi á einkabíl og 8 prósent sögðu að þeim væri skutlað í vinnuna.
Auglýsing

Tæpur helmingur þeirra sem keyrðu jafnan á einkabíl í vinnuna innan höfuðborgarsvæðisins í júnímánuði hefðu frekar verið til í að ferðast til vinnu með einhverjum öðrum hætti. Færri óku til vinnu en síðasta sumar, en fleiri hjóluðu. Þetta er á meðal þess sem lesa má úr niðurstöðum nýbirtrar könnunar Maskínu á ferðavenjum vinnandi fólks á höfuðborgarsvæðinu.

Könnunin var gerð í lok júní, en Maskína lagði sömu spurningar einnig fyrir í ágúst í fyrra og aftur í febrúar á þessu ári og fjallaði um niðurstöðurnar á vef sínum í vikunni.

Þeim sem fara akandi í vinnuna fækkar á milli kannana, en í júní sögðust 63,3 prósent svarenda oftast fara keyrandi á einkabíl og 8 prósent sögðu að þeim væri skutlað í vinnuna. Í ágúst í fyrra sögðust 71,7 prósent aðspurðra oftast keyra einkabíl til og frá vinnu og 5,2 prósentum var oftast skutlað.

Auglýsing

Hlutfall þeirra sem segjast fara hjólandi í vinnuna fer vaxandi, en 10,2 prósent sögðust oftast hjóla til og frá vinnu í júní, samanborið við 6,7 prósent í ágúst í fyrra. Hlutfallið fór reyndar niður í 4,4 prósent þegar spurt var í febrúar. Rúm 10 prósent aðspurðra segjast oftast ganga til og frá vinnu og hefur það hlutfall haldist nokkuð stöðugt á milli kannana, var 9,1 prósent í ágúst í fyrra en 10,7 prósent í febrúar síðastliðnum.


Ferðavenjur til og frá vinnu samkvæmt þremur könnunum Maskínu. Mynd: Maskína


Rúm sjö prósent aðspurðra sögðust oftast taka strætó til og frá vinnu í júní og hefur það hlutfall vaxið lítillega á milli kannana Maskínu.

Flestir segjast vilja keyra, en þeim fer fækkandi

Í öllum þremur könnunum Maskínu sem gerðar hafa verið hefur það að fara á einkabíl sem bílstjóri verið sá fararmáti sem fólk vildi helst nota til að komast til og frá vinnu. En hlutfall þeirra sem helst myndu vilja keyra lækkar og er í nýjustu könnuninni einungis 35,3 prósent. Til viðbótar væru 4,5 prósent aðspurðra helst til í að fá far með einkabíl í vinnuna.

Af þeim sem í sumar sögðust oftast keyra til og frá vinnu voru á milli 50-51 prósent sem sögðust vilja ferðast oftast á þann hátt, en rúmlega 21 prósent bílstjóra væru helst til í að ferðast á reiðhjóli, tæplega 14 prósent fótgangandi og um 6 prósent væru frekar til í að nýta strætó.


Óskafararmátar vinnandi fólks á höfuðborgarsvæðinu, samkvæmt þremur könnunum Maskínu. Mynd: Maskína.

Samkvæmt könnuninni væri rúmur fjórðungur allra á vinnumarkaði á höfuðborgarsvæðinu til í að ferðast á reiðhjóli, eða 26,7 prósent, sem er langt umfram þann fjölda sem sagðist oftast hjóla til og frá vinnu. Tæp 20 prósent segjast svo helst vilja labba.

Yngra fólk vill síður keyra til og frá vinnu

Þegar óskaferðamáti fólks til og frá vinnu er skoðaður með tilliti til aldurs svarenda kemur í ljós að þeir að því eldri sem svarendur eru, þeim mun líklegri eru þeir til að vilja helst ferðast á einkabíl sem bílstjórar. Af íbúum sextíu ára og eldri vilja rúm 55 prósent helst ferðast á einkabíl og er það eini aldurshópurinn þar sem meirihluti svarenda kýs helst einkabílinn. 

Lægst er hlutfallið hjá þeim yngstu, en einungis rúm 28 prósent íbúa sem eru á aldrinum 18-29 ára segjast helst vilja keyra til og frá vinnu, 31,7 prósent þeirra sem eru fertugsaldri, 34,2 prósent íbúa á fimmtugsaldri og 42,2 prósent þeirra sem eru á sextugsaldri. Tekið skal fram að samkvæmt niðurstöðunum er þó ekki tölfræðilega marktækur munur á milli aldurshópa hvað þetta varðar.

Spurningarnar voru einungis lagðar fyrir íbúa höfuðborgarsvæðisins sem eru á vinnumarkaði, 18 ára og eldri. Svarendur í öllum mælingunum þremur koma úr Þjóðgátt Maskínu, sem er þjóðhópur fólks (e. panel) sem er dreginn með tilviljun úr Þjóðskrá og svarar á netinu. Nýjasta mælingin fór fram dagana 19. til 26. júní 2020 og voru svarendur 397. Gögnin eru vigtuð með tilliti til kyns, aldurs og búsetu samkvæmt Þjóðskrá. 



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Davíð Helgason, einn stofnenda og fyrrum forstjóri Unity.
Segir Ísland geta orðið „einhvers konar tilraunasetur fyrir framtíðina“
Frumkvöðullinn og milljarðamæringurinn Davíð Helgason flytur til Íslands í sumar og ætlar að fjárfesta í fyrirtækjunum sem vinna gegn loftslagsvandanum. Að hans mati er margt sem gerir landið að góðum fjárfestingarkosti.
Kjarninn 18. maí 2021
Palestínumennirnir fimm fyrir utan húsnæði Útlendingastofnunar í Hafnarfirði í dag.
„Við viljum frekar deyja á götunni á Íslandi en að fara aftur til Grikklands“
„Íslensk yfirvöld hlusta ekkert á okkur. Þó að þau viti hvernig ástandið er í okkar heimalandi og þær áhyggjur sem við höfum. Ég meina, húsin sem við bjuggum í hafa sum verið jöfnuð við jörðu.“ Þetta segir Palestínumaður sem er lentur á götunni á Íslandi.
Kjarninn 18. maí 2021
Fasteignaverð hækkar meira með hverjum mánuðinum sem líður, þar sem eftirspurn er mikil og minna er um nýbyggingar.
Ekki meiri hækkun síðan árið 2017
Fasteignaverð á höfuðborgarsvæðinu hækkaði um 13,7 prósent í apríl á ársgrundvelli, miðað við vísitölu Þjóðskrár. Vísitalan hefur ekki hækkað jafnmikið milli ára síðan í desember 2017.
Kjarninn 18. maí 2021
Þröstur Ólafsson
Var þanþolið rofið?
Kjarninn 18. maí 2021
„Þegar mikil eftirspurn er eftir húsnæði getur fyrirvari um ástandsskoðun fasteignar talist kauptilboði til frádráttar,“ segir í greinargerð með þingsályktunartillögunni.
Ástandsskýrslur fylgi öllum seldum fasteignum
Nýsamþykkt þingsályktunartillaga felur ráðherra að móta frumvarp um ástandsskýrslur fasteigna. Slíkum skýrslum er ætlað að auka traust í fasteignaviðskiptum en ábyrgð vegna galla sem ekki koma fram í ástandsskýrslum mun falla á matsaðila.
Kjarninn 18. maí 2021
Allir hljóta að hafa skoðun á vegferð Ísraelsmanna að mati Hönnu Katrínar Friðriksson þingmanns Viðreisnar.
„Við Íslendingar höfum sterka rödd á alþjóðavettvangi“
Íslensk stjórnvöld þurfa að láta í sér heyra og hvetja aðra til að gera slíkt hið sama vegna átaka milli Ísraels og Palestínu að mati þingmanna Viðreisnar og Framsóknarflokks. Þó svo að íslenska þjóðin sé fámenn hafi hún sterka rödd og hana þurfi að nota.
Kjarninn 18. maí 2021
Samkvæmt ASÍ og BSRB er skuldasöfnun ríkisins ekki áhyggjuefni þegar vextir eru lágir
Gagnrýna „afkomubætandi ráðstafanir“ og vilja breyta fjármálareglum
Sérfræðingahópur á vegum ASÍ og BSRB varar stjórnvöld við að beita niðurskurði í yfirstandandi kreppu og segir að fjármálareglur hins opinbera þurfi að vera sveigjanlegri í nýrri skýrslu um efnahagsleg áhrif faraldursins.
Kjarninn 18. maí 2021
Græni miðinn er aftur kominn upp á gafl Hafnarborgar.
Listaverk sem fjarlægt var af bæjaryfirvöldum í Hafnarfirði komið upp á nýjan leik
Listaverk þeirra Libiu Castro og Ólafs Ólafssonar var fjarlægt af gafli Hafnarborgar fyrr í þessum mánuði að beiðni bæjaryfirvalda. Listaverkið er nú aftur komið upp en líklega hafa bæjaryfirvöld látið undan þrýstingi fagfélaga að mati listamannanna.
Kjarninn 18. maí 2021
Meira úr sama flokkiInnlent