Útflutn­ingur sjáv­ar­af­urða nam tæpum 30 millj­örðum í sept­em­ber, sem er 20 pró­senta aukn­ing miðað við sama mánuð í fyrra. Ekki hefur virði útfluttra sjáv­ar­af­urða verið jafn­mikið á síð­ustu þremur mán­uðum síðan á öðrum árs­fjórð­ungi 2015.

Þetta kemur fram í nýbirtum tölum hag­stofu um vöru­við­skipti. Sam­kvæmt þeim jókst heild­ar­út­flutn­ingur vara um 11,2 millj­arða í sept­em­ber miðað við sama mánuð í fyrra. Meiri­hlut­inn af þeirri aukn­ingu, eða 6,5 millj­arðar var vegna meiri útflutn­ings sjáv­ar­af­urða. Útflutn­ingur land­bún­að­ar­vara jókst líka um 2,6 millj­arða og er það meira en tvö­falt meira en útflutn­ing­ur­inn í sept­em­ber í fyrra.

Sveifl­ast með geng­inu

Ef litið er aftur til síð­ustu átta ára hefur útflutn­ings­verð­mæti sjáv­ar­af­urða vaxið til­tölu­lega mikið á síð­ustu þremur árum sam­hliða veik­ingu krón­unn­ar. Þessa þróun má sjá á mynd hér að neðan þar sem virði fisk­út­flutn­ings í krónum hefur auk­ist á sama tíma og gengi ann­arra mynta gagn­vart krón­unni hefur hækk­að. 

Í sept­em­ber síð­ast­liðnum var gengi krón­unnar svipað og það var fyrir rúmum fimm árum síð­an, eða um mitt ár 2015. Sömu­leiðis er virði fisk­út­flutn­ings á svip­uðum miðum og það var þá, en útflutn­ingur sjáv­ar­af­urða nam rúm­lega 70 millj­örðum króna á öðrum árs­fjórð­ungi 2015. 

Ekki hafa enn feng­ist tölur frá sept­em­ber­mán­uði um land­aðan afla, en alls var 15 pró­sentum meira landað í ágúst síð­ast­liðnum en á sama tíma í fyrra. Hins vegar hefur afla­magn íslenskra skipa verið til­tölu­lega lítið það sem af er ári þótt verð­mæti þess hafa verið mik­il, en fyrsti fjórð­ungur þessa árs var sá afla­minnsti í að minnsta kosti átta ár.