Nova opnar innan skamms þjón­ustu fyrir nettengd Apple snjallúr fyrst íslenskra fjar­skipta­fyr­ir­tækja, að því er fram kemur í til­kynn­ingu frá fyr­ir­tæk­inu. „Þjón­ustan er í boði í gegnum fjar­skipta­kerfi Nova en stendur öllum eig­endum eSIM nettengdra Apple úra til boða, óháð því hvaðan þau eru keypt,“ segir í til­kynn­ing­unn­i. 

Þá segir enn fremur að með því að fá sér netteng­ingu fyrir snjallúr sem Nova kallar „Úr­lausn“ sé hægt að skilja sím­ann eftir heima en hringja með úrinu og streyma tón­list án stuðn­ings frá snjall­síma. 

Úrlausn-­þjón­ustan verður í boði innan skamms en hægt er að skrá sig á lista hjá Nova á nova.is og fá til­kynn­ingu um leið og Apple opnar fyrir þjón­ust­una. Sam­tímis hefst sala á eSIM nettengdum Apple úrum í fyrsta skipti hér á landi.

Mar­grét Tryggva­dótt­ir, for­stjóri Nova, segir það vera „virki­lega gaman að vera fyrst á Íslandi til að bjóða eSIM netteng­ingu í snjallúr á Íslandi eða Úrlausn eins og við kjósum að kalla það. Það er í takti við okkar stefnu að ein­falda fólki lífið í leik og starfi. Við höfum lagt áherlu á að snjall­væða til­ver­una og gera hana örlítið skemmti­legri í leið­inni. Apple Watch úrið í sjöttu útgáfu (Series 6) er ein mest spenn­andi tækninýj­ungin í dag, sér­stak­lega á sviði fyr­ir­byggj­andi heilsu­úr­ræða fyrir almenn­ing.“

Magnús Árna­son, fram­kvæmda­stjóri staf­rænnar þró­unar hjá Nova, segir að þau hafi verið að vinna að „þessu gríð­ar­lega stóra verk­efni“ með Apple í meira en ár.

„Apple er stærsti fram­leið­andi á úrum í heim­inum og eru en á ný að umbylta iðn­aði og venjum mark­að­ar­ins. Að vera með nettengt snjallúr mun breyta notkun okkar á snjall­tækjum ekki ósvipað því hvernig til­koma Apple Pay breytti hegðun okkar með greiðslu­kort. Þessi vara stækkar okkar not­enda­hóp þar sem tengdum tækjum er að fjölga veru­lega. Fjölgun nettengdra tækja er fram­tíðin í sífellt snjall­ari ver­öld,“ segir Magn­ús.