Breskt ráð­gjaf­ar­fyr­ir­tæki hefur kom­ist að þeirri nið­ur­stöðu að hag­kvæm­asti kost­ur­inn varð­andi bygg­ingu nýs þjóð­ar­leik­vangs í knatt­spyrnu sé að byggja nýjan fót­bolta­völl með sætum fyrir 15 þús­und áhorf­endur og að ekki sé fýsi­legt til langs tíma að ráð­ast í end­ur­bætur á Laug­ar­dals­velli.

Þetta kemur fram í til­kynn­ingu frá stjórn­völd­um, en rík­is­stjórnin sam­þykkti á fundi sínum í dag að hefja við­ræður við Reykja­vík­ur­borg um næstu skref vegna bygg­ingu nýs þjóð­ar­leik­vangs, að til­lögu mennta- og menn­ing­ar­mála­ráð­herra og fjár­mála- og efna­hags­ráð­herra. 

„Með slíkum við­ræðum er mik­il­vægt skref stigið í þeirri veg­ferð að byggja keppn­is­að­stöðu sem stenst alþjóð­legar kröf­ur, en und­an­farin ár hefur Laug­ar­dals­völlur þurft und­an­þágur og sér­stakan við­búnað vegna keppn­i­s­leikja í alþjóð­legum mót­u­m,“ segir í til­kynn­ing­unni.

Fjórir val­kostir metnir og ein­ungis nýr völlur tal­inn fýsi­legur

Við­ræð­urnar við borg­ina munu byggja á val­kosta­grein­ingu breska ráð­gjafa­fyr­ir­tæk­is­ins AFL, sem varð hlut­skarp­ast í útboði sem efnt var til á evr­ópska efna­hags­svæð­inu snemma árs. Í grein­ing­unni er kostn­að­ar- og tekju­mat eft­ir­tal­inna val­kosta, auk við­skipta­á­ætl­unar og mats á efna­hags­legum þátt­um:

1. Að núver­andi völlur verði að mestu leyti óbreytt­ur, en ráð­ist verði í lág­marks­end­ur­bætur og -lag­fær­ing­ar.
2. Að Laug­ar­dals­völlur verði end­ur­bættur svo hann upp­fylli kröfur og staðla Knatt­spyrnu­sam­bands Evr­ópu (UEFA) og Alþjóða knatt­spyrnu­sam­bands­ins (FIFA).
3. Að byggður verði nýr 15.000 manna leik­vang­ur, með opn­an­legu þaki eða án þaks.
4. Að byggður verði fjöl­nota­leik­vangur með 17.500 sæt­um, með opn­an­legu þaki eða án þaks.

Sam­kvæmt því sem fram kemur í til­kynn­ingu stjórn­valda taldi AFL að 15 þús­und manna leik­vangur án þaks væri hag­kvæm­asti kost­ur­inn, ef ein­göngu væri horft til beinna fjár­hags­legra þátta, en að hins vegar myndi slíkur leik­vangur með opn­an­legu þaki skila bestu heild­ar­nið­ur­stöð­unni með til­liti til vinnslu­virð­is, efna­hags­legra áhrifa, nýt­ingar og fleiri þátta. 

AFL tel­ur, sem áður seg­ir, að ekki sé fýsi­leg lang­tíma­lausn að fara þá leið að lappa upp á Laug­ar­dals­völl, en eldri stúka vall­ar­ins var end­ur­nýjuð og stækkuð á fyrsta ára­tug ald­ar­innar og fór sú fram­kvæmd tölu­vert umfram áætl­un, eða um meira en 600 millj­ónir króna.

Val­kosta­grein­ingin var unnin að und­ir­lagi Þjóð­ar­leik­vangs ehf., félags sem KSÍ, Reykja­vík­ur­borg og ríkið stofn­uðu til að halda utan um verk­efn­ið.

Lilja von­góð um að nýr völlur rísi á næstu 5 árum

„Laug­ar­dals­völlur var reistur af stór­hug fyrir 63 árum og hefur reynst vel – fært þjóð­inni ógleym­an­leg augna­blik og skilað íslensku knatt­spyrnu­fólki á stærstu úrslita­keppnir í heimi. Hann er hins vegar barn síns tíma og langt frá því að upp­fylla við­mið, m.a. um öryggi og aðstöðu vall­ar­gesta, aðgengi fatl­aðs fólk, aðstöðu leik­manna, dóm­ara og fjöl­miðla, hita­kerfi o.s.frv. Það er því löngu tíma­bært að ráð­ast í bygg­ingu nýs þjóð­ar­leik­vangs og ég er von­góð um að hann muni rísa á næstu 5 árum,“ er haft eftir Lilju Alfreðs­dóttur mennta- og menn­ing­ar­mála­ráð­herra í til­kynn­ingu stjórn­valda. 

Bjarni Bene­dikts­son fjár­mála­ráð­herra seg­ist fagna því að málið sé komið á hreyf­ing­u. 

„Nú þarf að meta hvernig haga skuli útboði á helstu verk­þátt­um, t.d. verk­efn­is­stjórn, hönnun og bygg­inga­verk­töku, en jafn­framt þurfa máls­að­ilar að semja um mik­il­væga þætti eins og eign­ar­hald, fjár­mögn­um. Ég er er fullur bjart­sýni um að lend­ing náist í því og að nýr þjóð­ar­leik­vangur rísi sem allra fyrst,“ er haft eftir Bjarna, í til­kynn­ingu stjórn­valda.