Borgun greinir frá því í dag að fyr­ir­tækið hafi sagt upp 29 manns í hóp­upp­sögn, sem til­kynnt var um hjá fyr­ir­tæk­inu í dag. 

Í frétta­til­kynn­ingu fyr­ir­tæk­is­ins segir að alls hafi verið ráðnir nærri sex­tíu nýir starfs­menn til Borg­unar á síð­ustu mán­uðum  „í tengslum við yfir­stand­andi umbreyt­ingu Borg­unar yfir í þjón­ustu­miðað tækni­fyr­ir­tæki.“

 „Á sama tíma hefur verið dregið úr umsvifum á öðrum sviðum fyr­ir­tæk­is­ins til að snúa við rekstr­ar­tapi. Það hefur því miður kallað á fækkun starfs­fólks á þeim svið­u­m,“ segir í til­kynn­ingu Borg­un­ar.

Borgun var selt til nýrra eig­enda fyrr á þessu ári og í júlí komst fjár­mála­eft­ir­lits­nefnd Seðla­banka Íslands að þeirri nið­ur­stöðu að alþjóð­lega greiðslu­miðl­un­ar­fyr­ir­tækið Salt Pay Co Ltd., sem er með skráð aðsetur á Cayma­n­eyj­um, væri hæft til þess að fara með ráð­andi eign­ar­hlut í greiðslu­miðl­un­ar­fyr­ir­tæk­inu.

Greint var frá því í mars að Salt Pay hefði keypt sam­tals tæp­lega 96 pró­senta hlut í félag­inu, 63,5 pró­sent hlut Íslands­banka og rúm­lega 33 pró­senta hlut Borg­unar slf. Kaup­verðið nam um 4,3 millj­örðum króna. 

Þegar kaupin áttu sér stað var fjöldi starfs­manna Borg­un­ar, sem hefur sér­hæft stig í raf­rænni greiðslu­miðl­un, um 130.