Heilbrigðisútgjöld á Íslandi undir meðaltali ESB

Útgjöld hins opinbera hér á landi til heilbrigðisþjónustu var lægra hlutfall af landsframleiðslu en hjá aðildarríkjum Evrópusambandsins. Hlutfallið hefur verið með því lægsta á Norðurlöndunum í nokkur ár.

Ríkið ver minni pening til heilbrigðismála hér á landi heldur en í Evrópusambandinu.
Ríkið ver minni pening til heilbrigðismála hér á landi heldur en í Evrópusambandinu.
Auglýsing

Heil­brigðis­út­gjöld íslenska rík­is­ins námu um sjö pró­sentum af lands­fram­leiðslu árið 2018, sam­kvæmt nýjum tölum frá Eurostat. Þetta er nær pró­sentu­stigi lægra en í Evr­ópu­sam­band­inu og meira en einu og hálfu pró­sentu­stigi lægra en í Dan­mörku, Nor­egi og Sví­þjóð. 

Ísland undir ESB og flestum Norð­ur­löndum

Eurostat birti í síð­ustu viku yfir­lit yfir heil­brigðis­út­gjöld allra aðild­ar­ríkja Evr­ópu­sam­bands­ins (ES­B), auk aðild­ar­ríkja EFTA, árið 2018. Þar mátti sjá sam­an­burð á heild­ar­út­gjöldum til heil­brigð­is­mála, auk þess sem þau voru skipt eftir því hvort þau innt af hendi af einka­að­ilum eða rík­in­u. 

Sam­kvæmt þessum tölum vörðu Íslend­ingar 8,5 pró­sentum af lands­fram­leiðslu í einka- og rík­is­rekna heil­brigð­is­þjón­ustu. Þetta var nokkuð lægra hlut­fall en í Evr­ópu­sam­band­inu, þar sem heild­ar­út­gjöldin námu að með­al­tali 9,9 pró­sentum af lands­fram­leiðslu. Af þjóð­unum 32 sem mældar voru voru útgjöld Sviss­lend­inga til heil­brigð­is­þjón­ustu mest, en minnst í Lúx­em­borg, ef tekið er til­lit til lands­fram­leiðslu. 

Auglýsing

Ef ein­ungis rík­is­út­gjöld til heil­brigð­is­þjón­ustu eru skoðuð blasir við önnur mynd, en þar raða Þýska­land og Frakk­land, ásamt Nor­egi, Sví­þjóð og Dan­mörku, sér í fimm efstu sæt­in. Rík­is­sjóður þess­ara þriggja Norð­ur­landa ver 8,5 til 9,3 pró­sentum af lands­fram­leiðslu í heil­brigðis­út­gjöld og er það nokkuð hærra en með­al­tal Evr­ópu­sam­bands­ins, sem eru 7,8 pró­sent af lands­fram­leiðslu. 

Opin­ber útgjöld til heil­brigð­is­mála hér á landi er enn lægra hlut­fall af lands­fram­leiðslu, en þau jafn­gilda rétt rúm­lega sjö pró­sentum af lands­fram­leiðslu. Hlut­fallið var svipað hátt og í Finn­landi, þar sem það náði 6,95 pró­sentum árið 2018. 

Heimild: OECD

Töl­urnar frá Eurostat eru í sam­ræmi við tölur sem vinna má á vef Efna­hags- og fram­fara­stofn­un­ar­innar (OECD), en ná þó til 2019. Heil­brigðis­út­gjöld hins opin­bera sem hlut­fall af lands­fram­leiðslu á Norð­ur­lönd­unum síð­ustu sex árin má sjá á mynd hér að ofan, en sam­kvæmt henni var hlut­fallið lægst á Íslandi þangað til fyrir tveimur árum síð­an. Í fyrra hækk­aði svo hlut­fallið upp í 7,3 pró­sent af lands­fram­leiðslu, en var það þó enn rúmu pró­senti lægra en í Sví­þjóð, Dan­mörku og Nor­egi.

Stærsta und­ir­skrif­ar­söfnun Íslands­sög­unnar

Fyrir rúmum fjórum árum síðan stóð Kári Stef­áns­son, for­stjóri Íslenskrar erfða­grein­ing­ar, að stærstu und­ir­skrift­ar­söfnun Íslands­sög­unnar til að þrýsta á stjórn­völd til að verja meiri fjár­munum í heil­brigð­is­þjón­ustu. Alls söfn­uð­ust 85 þús­und und­ir­skriftir vegna þessa máls og voru þær afhentar Sig­urði Inga Jóhanns­syni, þáver­andi for­sæt­is­ráð­herra í lok apr­íl­mán­aðar árið 2016.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Um 80 prósent HIV smitaðra í Afríku eru undir fimmtugu. Meðferð vegna veirusýkingingarinnar hefur fallið í skuggann af faraldri COVID-19.
„Leikvöllur“ veirunnar hvergi stærri en í sunnanverðri Afríku
HIV smitaðir sem ekki hafa fengið viðeigandi meðferð eru í margfalt meiri hættu á að deyja úr COVID-19. Vísbendingar eru auk þess um að líkami þeirra sé eins og útungunarvél fyrir ný afbrigði veirunnar. Óréttlát dreifing bóluefna er grafalvarlegur vandi.
Kjarninn 5. desember 2021
Ástandið er að eyðileggja líf allra – Á vappinu í stórborginni Hólagarði
Á næstunni munu Auður Jónsdóttir rithöfundur og Bára Huld Beck blaðamaður rúnta um úthverfi höfuðborgarsvæðisins og kanna bæði stemninguna og rekstrarskilyrðin í kófinu í hinum ýmsu verslunarkjörnum. Hólagarður var fyrsti viðkomustaðurinn.
Kjarninn 5. desember 2021
Líkin í lestinni og fangarnir fjórir
Í tíu daga hefur dönsk freigáta lónað skammt undan landi á Gíneuflóa. Áhöfnin bíður fyrirmæla danskra stjórnvalda um hvað gera skuli við óvenjulega fragt um borð í skipinu: fjögur lík og fjóra fanga.
Kjarninn 5. desember 2021
Hanna Katrín Friðriksson, þingmaður Viðreisnar, bað um skýrsluna á sínum tíma.
Vill fá að vita af hverju upplýsingar um fjárfestingar útgerðarfélaga voru felldar út
Í lok ágúst var birt skýrsla sem átti að sýna krosseignatengsl eða ítök útgerðarfélaga í einstökum fyrirtækjum, en að mati þess þingmanns sem bað um hana gerði hún hvorugt. Síðar kom í ljós að mikilvægar upplýsingar voru felldar út fyrir birtingu.
Kjarninn 4. desember 2021
Ingrid Kuhlman
Dánaraðstoð: Óttinn við misnotkun er ástæðulaus
Kjarninn 4. desember 2021
Guðni Th. Jóhannesson, forseti Íslands, ásamt Agnesi M. Sigurðardóttur, biskup Íslands.
Sóknargjöld lækka um 215 milljónir króna milli ára
Milljarðar króna renna úr ríkissjóði til trúfélaga á hverju ári. Langmest fer til þjóðkirkjunnar og í fyrra var ákveðið að hækka tímabundið einn tekjustofn trúfélaga um 280 milljónir króna. Nú hefur sú tímabundna hækkun verið felld niður.
Kjarninn 4. desember 2021
Íbúðafjárfesting hefur dregist saman á árinu, á sama tíma og verð hefur hækkað og auglýstum íbúðum á sölu hefur fækkað.
Mikill samdráttur í íbúðafjárfestingu í ár
Fjárfestingar í uppbyggingu íbúðarhúsnæðis hefur dregist saman á síðustu mánuðum, samhliða mikilli verðhækkun og fækkun íbúða á sölu. Samkvæmt Hagstofu er búist við að íbúðafjárfesting verði rúmlega 8 prósentum minni í ár heldur en í fyrra.
Kjarninn 4. desember 2021
„Ég fór með ekkert á milli handanna nema lífið og dóttur mína“
Þolandi heimilisofbeldis – umkomulaus í ókunnugu landi og á flótta – bíður þess að íslensk stjórnvöld sendi hana og unga dóttur hennar úr landi. Hún flúði til Íslands fyrr á þessu ári og hefur dóttir hennar náð að blómstra eftir komuna hingað til lands.
Kjarninn 4. desember 2021
Meira úr sama flokkiInnlent