Í minni­hluta­á­liti þing­manns Mið­flokks­ins í fjár­laga­nefnd, Birgis Þór­ar­ins­son­ar, um fyr­ir­liggj­andi fjár­laga­frum­varp er lagt til að ríkið láti selja nýbygg­ingu Lands­bank­ans við Aust­ur­höfn til að fjár­magna þær breyt­ing­ar­til­lögur sem Mið­flokk­ur­inn leggur til á frum­varp­inu. Birgir telur að slík sala myndi skila sam­tals níu millj­örðum króna og að sú upp­hæð ætti að greið­ast sem arður í rík­is­kass­ann, tveir millj­arðar króna vegna sölu lóðar og sjö millj­arðar króna vegna sölu á bygg­ing­unni.

Auk þess leggur hann til að fallið verði frá hækkun á fram­lagi til RÚV og að gerð verði hag­ræð­inga­krafa upp á hálfan millj­arð króna á ráðu­neyti lands­ins. Sam­an­lagt ætti þetta, að mati Birg­is, að skila tæp­lega 9,7 millj­arða króna tekjum fyrir rík­is­sjóð. 

Þessum fjár­munum vill Mið­flokk­ur­inn ráð­stafa í ýmis verk­efni. Dýr­ast þeirra er að lækka trygg­inga­gjald enn frekar á árinu 2021, en sú aðgerð er metin á 3,3 millj­arða króna. Tveir millj­arðar króna eiga að fara í ráðn­inga­styrki á Suð­ur­nesjum, kjör­dæmi Birg­is, og 1,5 millj­arðar króna eiga að fara í að draga úr skerð­ingum atvinnu­tekna á líf­eyr­is­greiðsl­u­m. 

Þá vill Mið­flokk­ur­inn greiða 400 milljón króna styrk til bænda vegna birgða­söfn­unar í kjöti og mjólk­ur­próteini, hækka elli­líf­eyri og greiða öldruðum sér­staka upp­bót upp á 70 þús­und krón­ur.

Engin póli­tísk ákvörðun á bak­við bygg­ing­una

Kjarn­inn fjall­aði ítar­­lega um áform Lands­bank­ans um að byggja sér nýjar höf­uð­stöðvar við Aust­ur­höfn í frétta­­skýr­ingu sem birt­ist í sept­­em­ber 2019. Þar kom meðal ann­­ars fram að Banka­­sýsla rík­­is­ins, sem fer með hlut rík­­is­­sjóðs í Lands­­bank­­anum hefði ekki haft neina aðkomu að þeirri ákvörðun að reisa nýju höf­uð­­stöðv­­­arn­­ar. 

Það hefur heldur ekki þótt til­­efni til að bera bygg­ingu höf­uð­­stöðva undir hlut­hafa­fund, þar sem eini alvöru hlut­haf­inn, íslenska rík­­ið, gæti sagt sína skoðun á áformun­­um.

Á­kvörð­unin um að ráð­­ast í fram­­kvæmd­irn­­ar, sem áætlað var að myndu kosta um níu millj­­arða króna, hækk­­aði svo í tíu millj­­arða króna en eru nú orðnir tæpir tólf millj­­arðar króna, var því tekin án aðkomu fjár­­­mála- og efna­hags­ráðu­­neyt­is­ins sem heldur á hluta­bréfum íslenska rík­­is­ins í bank­­anum og stofn­un­­ar­innar sem fer með þann eign­­ar­hlut. 

Hún var tekin af banka­ráði á fundi sem hald­inn var 16. maí 2017. Lands­­bank­inn, sem er í 98,2 pró­­sent eign skatt­greið­enda, hefur ekki viljað upp­­lýsa um hvernig atkvæði féllu hjá sjö manna banka­ráð­inu þegar kosið var um bygg­ing­una. 

Því liggur fyrir að sjö manna banka­ráð, sem situr í umboði banka­­sýslu rík­­is­ins, stofn­unar sem heyrir undir fjár­­­mála- og efna­hags­ráðu­­neyt­ið, tók eitt ákvörðun um bygg­ingu „Kletts­ins“ sem nú rís við hlið Hörpu og mun kosta 11,8 millj­­arða króna, sam­kvæmt því sem kom fram í ávarpi Helgu Bjarkar Eiríks­dótt­ur, for­manns banka­ráðs Lands­bank­ans, sem birt var í árs­skýrslu hans í febr­úar 2020.