Þór­hildur Ólöf Helga­dóttir hefur verið ráðin í starf for­stjóra Íslands­pósts og hefur hún þegar tekið til­ ­starfa. Áður gegndi Þór­hildur starfi fram­kvæmda­stjóra fjár­mála­sviðs fyr­ir­tæk­is­ins en hún tók við þeirri ­stöðu í lok sum­ars 2019. 

Þór­hildur er fyrsta konan til að gegna stöðu for­stjóra Pósts­ins, sam­kvæmt frétta­til­kynn­ingu það­an. Hún tekur við af Birgi Jóns­syni, sem sagði starfi sínu lausu nýlega.

„Ég er mjög ánægð með að fá þetta tæki­færi og það mikla traust sem mér er sýnt. Póst­ur­inn hef­ur ­gengið í gegnum mikið umbreyt­ing­ar­ferli á síð­ustu miss­erum til þess að takast á við áskor­anir í starf­sem­i ­fé­lags­ins. Við erum stolt af árangri okkur en höldum áfram að styrkja fyr­ir­tækið og bæta þjón­ust­una,“ er haft eftir Þór­hildur Ólöfu í frétta­til­kynn­ingu pósts­ins.

Auk starfa sinna fyrir Íslands­póst hefur Þór­hildur verið fjár­mála­stjóri 66°Norð­ur, bíla­um­boðs­ins Heklu og Secur­it­as. Þá hefur hún setið í stjórn Sjó­vá­r-Al­mennra og átt sæti í stjórnum dótt­ur­fé­laga þeirra fyr­ir­tækja sem hún hefur starfað hjá. Þór­hildur er ­með cand. oecon-­próf frá Háskóla Íslands.

„Við fögnum því sann­ar­lega að fá jafn öfl­ugan stjórn­anda og Þór­hildi Ólöfu Helga­dóttur til að takast á við þau fjöl­breyttu verk­efni sem bíða Pósts­ins á miklum breyt­inga­tímum og leiða þetta mik­il­væga al­manna­þjón­ustu­fyr­ir­tæki inn í fram­tíð­ina,“ er haft eftir Bjarni Jóns­syni, for­manni stjórnar Íslands­pósts, í frétta­til­kynn­ingu fyr­ir­tæk­is­ins.