Miðflokkurinn ekki mælst með minna fylgi í tvö ár – Frjálslynda andstaðan á flugi

Píratar, Samfylking og Viðreisn mælast samanlagt með meira fylgi en ríkisstjórnarflokkarnir og hafa bætt við sig rúmlega 50 prósent fylgi það sem af er kjörtímabili. Allir stjórnarflokkarnir mælast undir kjörfylgi.

Sigmundur Davíð Gunnlaugsson er formaður Miðflokksins.
Sigmundur Davíð Gunnlaugsson er formaður Miðflokksins.
Auglýsing

Miðflokkurinn yrði líkast til minnst flokkurinn sem næði manni inn á Alþingi ef kosið yrði í dag, samkvæmt nýrri könnun Zenter fyrir Fréttablaðið. Flokkurinn mælist nú með 6,7 prósent fylgi sem er það minnsta sem hann hefur haft í könnunum fyrirtækisins frá því að Klausturmálið svokallaða, þar sem þingmenn hans voru í aðalhlutverkum, kom upp í lok árs 2018. Þá mældist flokkurinn með 4,3 prósent fylgi. 

Enn fremur mælist fylgi Miðflokksins 4,2 prósentustigum undir því sem flokkurinn fékk í síðustu þingkosningum, haustið 2017. Hann hefur því tapað rúmlega 38 prósent af fylgi sínu það sem af er kjörtímabili.

Fjórðungur af fylginu farið

Ríkisstjórnarflokkarnir þrír mælast allir undir kjörfylgi í könnun Zenter. Sjálfstæðisflokkurinn yrði áfram stærsti flokkur landsins ef kosið yrði nú en stuðningur við hann mælist 22,9 prósent. Það 2,4 prósentustigi minna en flokkurinn fékk í síðustu kosningum og versta niðurstaða flokksins frá upphafi.

Auglýsing
Vinstri græn mælast með 10,2 prósent fylgi, sem er 6,7 prósentustigum minna en flokkurinn fékk í síðustu kosningum. Það myndi þýða að 39 prósent þeirra kjósenda sem kusu flokkinn síðast myndu ekki gera það í dag. Ef könnun Zenter yrði niðurstaða kosninga þá væri um að ræða rýrustu uppskeru Vinstri grænna í kosningum frá árinu 2003.

Framsóknarflokkurinn yrði næst minnstur þeirra sjö flokka sem næðu örugglega inn á þing samkvæmt könnuninni. Hann mælist með 7,3 prósent fylgi, 3,4 prósentustigum minna en haustið 2017, sem yrði versta kosning flokksins frá upphafi. 

Samanlagt fylgi ríkisstjórnarflokkanna mælist 40,4 prósent. Þeir fengu 52,9 prósent í síðustu kosningum og hafa því tapað tæpum fjórðungi fylgi síns.

Frjálslyndu andstöðuflokkarnir stærri en stjórnin

Þeir þrír flokkar sem næðu inn á þing samkvæmt könnuninni, og eru ónefndir hér, eru Píratar, Samfylking og Viðreisn. Samtals mælist fylgi þeirra í könnun Zenter 42,8 prósent. Þessir þrír flokkar fengu 28 prósent atkvæða í þingkosningunum 2017 og því hafa þeir bætt við sig 14,8 prósentustigum, 53 prósent fylgi, á meðan að allir aðrir flokkar sem sitja á þingi hafa tapað fylgi það sem af er kjörtímabili. 

Mest hafa Píratar bætt við sig. Þeir mælast næst stærsti flokkur landsins í könnun Zenter með 17 prósent fylgi. Það er 7,8 prósentustigum meira en flokkurinn fékk haustið 2017.

Samfylkingin mælist með 15,6 prósent fylgi og myndi samkvæmt þessu bæta við sig 3,5 prósentustigum. Viðreisn myndi fá svipaða uppskeru og flokkurinn fékk í kosningunum 2016 ef kosið yrði nú, en umtalsvert betri en það sem kom upp úr kjörkössunum 2017 þegar 6,7 prósent landsmanna kusu flokkinn. Í dag segjast 10,2 prósent styðja hann. 

Flokkur fólksins við það að komast inn

Flokkur fólksins er sá flokkur sem er þegar með þingmenn kjörna sem er líklegastur til að detta af þingi samkvæmt könnuninni. Fylgi hans mælist 4,7 prósent og ef það yrði niðurstaðan alls staðar á landinu myndi flokkurinn líklegast ekki ná inn. Það verður þó að hafa í huga, sérstaklega ef tekið er tillit til eðlilegra skekkjumarka, að Flokkur fólksins er fjarri því að vera úr leik miðað við þessa fylgiskönnun og lítið þyrfti að gerast til að hann næði inn. Flokkur fólksins fékk 6,9 prósent atkvæða í síðustu kosningum og er því að mælast 2,2 prósentustigum undir kjörfylgi í könnun Zenter.

Níundi flokkurinn sem er mældur í könnun Zenter er Sósíalistaflokkur Íslands. Hann mælist með 3,3 prósent fylgi og er nokkuð frá því að ná inn manni. Vert er þó að taka fram að flokkurinn hefur ekki kynnt lista sína vegna komandi kosninga, en hann hefur aldrei áður tekið þátt í þingkosningum. Kjósendur hafa því fá andlit til að tengja við flokkinn enn sem komið er. 

Könnunin var send á könnunarhóp Zenter sem fékk að svara henni frá 11. til 19. desember 2020. Í þeim hópi voru 2.500 einstaklingar átján ára og eldri og svör voru vegin eftir kyni, aldri og búsetu. Svarhlutfall var 52,8 prósent. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ragnar Þór Ingólfsson
Land tækifæranna, fyrir útvalda!
Kjarninn 18. september 2021
Líkurnar á að ríkisstjórn Katrínar Jakobsdóttur haldi velli komnar niður í 38 prósent
Í lok ágúst voru líkurnar á því að sitjandi ríkisstjórn myndi halda 60 prósent. Þær hafa minnkað hratt en á sama tíma hafa líkurnar á myndun fjögurra flokka stjórnar án Sjálfstæðisflokks aukist umtalsvert.
Kjarninn 18. september 2021
Sólveig Anna Jónsdóttir
Sjálfsvirðing
Kjarninn 18. september 2021
Bára Huld Beck
Trúir einhver þessari konu?
Kjarninn 18. september 2021
Stefán Ólafsson
Rangfærslur Áslaugar Örnu um skatta
Kjarninn 18. september 2021
Utanríkisráðuneytið afturkallaði einungis eitt liprunarbréf af öllum þeim sem gefin voru út eftir að faraldur COVID-19 skall á.
Einungis eitt liprunarbréf afturkallað af fleiri en tvö þúsund slíkum
Liprunarbréfið sem Jakob Frímann Magnússon óskaði eftir fyrir barn vinar síns í mars í fyrra er það eina sem utanríkisráðuneytið hefur þurft að afturkalla af fleiri en tvö þúsund slíkum sem gefin voru út eftir að faraldur COVID-19 hófst.
Kjarninn 18. september 2021
Steinar Frímannsson
Óvissuferð án fyrirheits – Umhverfisstefna Framsóknarflokks
Kjarninn 17. september 2021
Minnkandi fylgi Sjálfstæðisflokks og Vinstri grænna gæti skilað þeim báðum utan stjórnar
Vinstri græn eru nú í þeirri stöðu að þrír miðjuflokkar eru með meira fylgi en þau og Viðreisn mælist með nákvæmlega það sama. Sjálfstæðisflokkurinn mælist með sitt lægsta fylgi í kosningaspánni.
Kjarninn 17. september 2021
Meira úr sama flokkiInnlent