„Nei, ég myndi ekki segja að til átaka hafi kom­ið,“ sagði Þórólfur Guðna­son sótt­varna­læknir í ítar­legu við­tali við Kjarn­ann spurður hvort að ein­hver átök hafi verið um til­lögur hans um sótt­varna­að­gerðir hingað til. Hann sagð­ist hafa átt „al­veg ein­stak­lega gott sam­band“ við heil­brigð­is­ráð­herra og for­sæt­is­ráð­herra og reyndar einnig aðra ráð­herra. „Ég verð að hrósa Svandísi [Svav­ars­dótt­ur] sér­stak­lega fyrir ein­stak­lega gott sam­starf.“

Hann sagði að hins vegar hefði verið ákveð­inn þrýst­ingur fyrir hendi en hann hafi litið á það sem eðli­leg skoð­ana­skipti.

 „Það er ekk­ert óeðli­legt við það að menn séu að verja sína hags­muni. Það eru aðrir aðilar í sam­fé­lag­inu en stjórn­völd sem hafa beitt miklu meiri þrýst­ingi. Þá er ég að tala um ákveðna starf­semi og fyr­ir­tæki. Það er eitt­hvað sem við sáum ekki fyrir í við­bragðs­á­ætl­ana­gerð­inni. Þessi órói í sam­fé­lag­inu. Ég hélt að það væri nóg að segja: „Nú lokum við þarna, við verðum að gera það.“ Að allir myndu fara eftir því. En það er ekki þannig. Það vilja allir fá sína eigin for­skrift. Allir hópar vilja sínar leið­bein­ing­ar.“ 

Þórólfur sagði í við­tal­inu að hann teldi almenn­ing enga grein gera sér fyrir þeirri vinnu sem farið hefur í slík mál, til dæmis hjá starfs­fólki almanna­varna og hjá sótt­varna­lækni og land­lækni. „Það hefur þurft að leggja dag við nótt allt árið við að útbúa leið­bein­ingar fyrir alls konar fyr­ir­tæki og starf­semi ein­stak­linga og svara fyr­ir­spurn­um. Þetta hefur þurft að gera í hvert skipti sem er hert og í hvert skipti sem slakað hefur verið á.“

Þið hljótið nú að hafa rang­hvolft ein­hvern tím­ann aug­unum yfir fyr­ir­spurnum og óskum um und­an­þágur ...

„Sumar þeirra hafa kannski hljó­mað nokkuð und­ar­lega í okkar eyrum en auð­vitað er fólk að spyrja í ein­lægn­i,“ svar­aði sótt­varna­lækn­ir. „Það vill vanda sig, er óör­uggt og þá sendir það póst. Frá upp­hafi opn­uðum við á þessi sam­skipti og reyndum að svara öll­um. Þessar fyr­ir­spurnir voru upp undir þús­und suma dag­ana.    

En við töldum nauð­syn­legt að fara þessa leið, að fólk gæti spurt okkur spurn­inga. Til að skapa ró og sam­vinnu í sam­fé­lag­inu frekar en að láta marga verða pirraða.“

Þórólfur sagði að eitt af því sem hefði verið fróð­legt að fylgj­ast með í far­aldr­inum væri mann­legt eðli og hegð­un. „Bæði hvað fólk er fljótt til sam­vinnu og eins hvað margir eru fljótir til and­stöðu. Þetta hefur komið mér svo­lítið á óvart.“

Við­talið við Þórólf í heild er hægt að lesa hér­.