Íslend­ingar neyta mun meira af tauga- og geð­lyfjum en Dan­ir, Norð­menn og Sví­ar. Í flokki ópíóíða er neyslan hér­lendis meira en tvö­falt meiri en í Skand­in­av­íu, en Íslend­ingar neyta einnig meira af róandi lyfj­um, svefn­lyfj­um, þung­lynd­is­lyfj­um, örvandi lyfjum og floga­veikis­lyfj­um. Hlut­fall not­enda hefur þó minnkað nokkuð á síð­ustu árunum sem neyslan hefur verið mæld.

Þetta kemur fram í pistli frá Ölmu Möller land­lækni sem birt­ist í Lækna­blað­inu í gær. Sam­kvæmt pistl­inum er notkun lyfja í flestum lyfja­flokkum áþekk á meðal Norð­ur­landa­þjóð­anna ef frá er talin notkun tauga- og geð­lyfja, sem lengi hefur verið hæst á Ísland­i. 

Að sögn land­læknis skýrist mun­ur­inn að ein­hverju leyti af því að fleiri ein­stak­lingar fái ávísað tauga- og geð­lyfjum hér­lend­is, en 36 pró­sent Íslend­inga fengu ávísað slík lyf árið 2019, á meðan sam­svar­andi hlut­fall var á milli 27 og 29 pró­senta á hinum Norð­ur­lönd­un­um. Hins vegar hefur hlut­fallið hér á landi minnkað nokkuð frá árinu 2017, þegar um 38 pró­sent neyttu slíkra lyfja. 

Líkt og sést á mynd­inni hér að ofan, sem fengin er af gögnum úr Lækna­blað­inu, sést að Ísland hefur þó enn fleiri lyfja­not­endur í öllum flokkum tauga- og geð­lyfja, ef tekið er til­lit til mann­fjölda hvers lands.