Óttast að „tveggja flokka kerfi“ myndist ef flokkar útiloki samstarf við aðra

Sigmundur Davíð Gunnlaugsson og Logi Einarsson eru sammála um að kjósendur eigi að hafa skýra sýn á hverskonar ríkisstjórnir flokkar vilji mynda eftir kosningar. Sigmundur vill þó ekki útiloka samvinnu með neinum og kallar Samfylkingu „útilokunarflokk.“

Sigmundur Davíð Gunnlaugsson formaður Miðflokksins.
Sigmundur Davíð Gunnlaugsson formaður Miðflokksins.
Auglýsing

„Það er orðin dálítið sérkennileg staða þegar Samfylkingin er komin til vinstri við VG og virðist einnig vera búin að missa umboðið fyrir ESB á Íslandi til Viðreisnar,“ sagði Sigmundur Davíð Gunnlaugsson formaður Miðflokksins, er hann og Logi Einarsson formaður Samfylkingar ræddu saman í dag, sem gestir í þjóðmálaþættinum Sprengisandi á Bylgjunni.

Þangað voru þeir fengnir til þess að ræða mögulegar ríkisstjórnarmyndanir eftir kosningarnar sem eiga að fara fram í lok september. Sem kunnugt er hefur formaður Samfylkingar útilokað samstarf við bæði Miðflokkinn og Sjálfstæðisflokkinn að loknum kosningum. „Minn valkostur er græn félagshyggjustjórn,“ sagði Logi í þættinum.

Sigmundur Davíð tók í kjölfarið undir það með Kristjáni Kristjánssyni þáttarstjórnanda að rétt væri að íslenskir kjósendur hefðu lengi kallað eftir því að fá skýrari sýn á það hvaða flokkar gætu hugsað sér að vinna saman eftir kosningar. 

Auglýsing

Miðflokkur ekki „útilokunarflokkur“

Hann vildi þó sjálfur ekki útiloka samstarf með neinum flokki, né segja hvaða flokkum Miðflokkur hans vildi helst starfa með í ríkisstjórn eftir kosningar, þrátt fyrir að vera þráspurður.

„Ef fólk styður okkur, Miðflokkinn, þá getur það treyst því að við víkjum ekki frá þeim grundvallarloforðum sem við gefum í kosningum,“ sagði Sigmundur Davíð og nefndi meðal annars að flokkurinn myndi hvergi hvika frá áherslum sínum á fullveldismál.

Þeir Logi tókust á um hvort það væri æskilegt að flokkar gæfu upp fyrir kosningar með hverjum þeir hefðu hug á að starfa í mögulegum ríkisstjórnum. 

Logi Einarsson formaður Samfylkingarinnar. Mynd: Bára Huld Beck

„Við erum ekki útilokunarflokkur,“ sagði Sigmundur Davíð. Þegar þeir Logi höfðu rætt málin um nokkra stund og tekist á um mismunandi áherslur flokkanna í hinum ýmsu stefnumálum samsinnti Sigmundur Davíð formanni Samfylkingar þó þegar sá síðarnefndi sagði að það væri „býsna langsótt hugmynd“ að þeir tveir myndu sitja saman við ríkisstjórnarborð.

Logi sagðist bera fulla virðingu fyrir því að aðrir flokkar vildu fyrir fram ekki útiloka möguleikann á samstarfi með öðrum flokkum, en hann sagðist á sama tíma telja það heiðarlegt að segja við kjósendur að þeir sem settu X við Samfylkinguna væru ekki að setja X við hægristjórn.

Hugnast ekki að kosningablokkir teiknist upp eins og á Norðurlöndunum

Fram kom í máli Sigmundar Davíðs að ef farið yrði í einhverskonar „blokkamyndun“ eins og við hefðum séð á Norðurlöndum, þar sem flokkarnir til hægri og vinstri mynda rauðar og bláar blokkir sem í reynd eru sem kosningabandalög, værum við „farin í tveggja flokka kerfi,“ sem hann teldi ekki æskilegt.

Logi neitaði því alfarið að þetta væri einhver spurning um að tveggja flokka kerfi myndi teiknast upp og benti á að flokkarnir á Alþingi væru alls átta talsins. Hann sagðist hins vegar telja að á þessum tímapunkti þyrfti samhenta ríkisstjórn sem væri í grundvallaratriðum sammála um helstu málefni og þyrfti ekki að gera miklar málamiðlanir, sem síðan leiddu til kyrrstöðu. 

Sigmundur Davíð tók að nokkru leyti undir þetta, en hann lagði þó frekar áherslu á að ríkisstjórninni væri í reynd stjórnað af „kerfinu.“ Áður hefur hann sagt að ríkisstjórn Katrínar Jakobsdóttur hafi verið stofnuð um ráðherrastóla og útdeilingu gæða, en síðan fari embættismenn með völdin.

Spurði um „Reykjavíkurstjórn í landsmálunum“ sem utanríkisráðherra óttast

Sigmundur Davíð spurði Loga að því hvort hann vildi mynda „Reykjavíkurstjórn í landsmálunum.“ Logi sagði á móti að hann vildi koma að myndun ríkisstjórnar frá miðju og til vinstri, en þar væri nóg af flokkum sem starfað gætu saman. Sigmundur Davíð mætti kalla það hvað sem hann vildi.

Reykjavíkurstjórn í landsmálunum hefur verið verið til umræðu víðar í fjölmiðlum þessa helgina. Guðlaugur Þór Þórðarson. Mynd: Bára Huld Beck

Guðlaugur Þór Þórðarson utanríkisráðherra sagði í ítarlegu viðtali við Sunnudagsblað Morgunblaðsins að „hættan“ væri sú að eftir kosningar kæmi ríkisstjórn „svipað samsett og borgarstjórnarmeirihlutinn í Reykjavík“ og talaði um það í samhengi við fjárhagsstöðu Reykjavíkurborgar. 

„Það væri skelfilegt ef sömu sömu sjónarmið fengju að ráða í landsstjórninni,“ er haft eftir utanríkisráðherra í Morgunblaðinu.


Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Árvakur hf. gefur út Morgunblaðið, mbl.is og útvarpsstöðina K100.
Útgáfufélag Morgunblaðsins tapaði 75 milljónum þrátt fyrir 100 milljóna ríkisstyrk
Tap Árvakurs, útgáfufélags Morgunblaðsins, minnkaði um 135 milljónir á milli ára. Framkvæmdastjóri fyrirtækisins þakkar veigamiklum hagræðingaraðgerðum fyrir það að reksturinn hafi batnað þrátt fyrir veirufaraldurinn.
Kjarninn 26. júlí 2021
Joe Biden Bandaríkjaforseti.
Bandaríkin ætla að halda ferðabanni gagnvart Evrópu til streitu enn um sinn
Íslendingar og aðrir Evrópubúar munu ekki geta sótt Bandaríkin heim alveg á næstunni án þess að hafa sérstakar undanþágur. Í ljósi útbreiðslu delta-afbrigðis kórónuveirunnar hefur Bandaríkjastjórn ákveðið að halda núverandi ferðatakmörkunum í gildi.
Kjarninn 26. júlí 2021
Eyþór Eðvarðsson
Fjórar spurningar um loftslagsmál sem kjósendur þurfa að fá svar við
Kjarninn 26. júlí 2021
Þrettán starfsmenn Landspítalans í einangrun
Um helgina komu upp smit hjá starfsmönnum í nokkrum starfseiningum Landspítala. Rakning er langt komin og þrettán starfsmenn eru komnir í einangrun og nokkur fjöldi starfsmanna og sjúklinga í sóttkví.
Kjarninn 26. júlí 2021
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Meira úr sama flokkiInnlent