Rósa Björk Brynj­ólfs­dóttir þing­maður Sam­fylk­ing­ar­innar sæk­ist eftir því að leiða lista flokks­ins í Suð­vest­ur­kjör­dæmi í kom­andi alþing­is­kosn­ing­um. Frá þessu greinir hún í til­kynn­ingu.

Hún er núver­andi þing­maður kjör­dæm­is­ins og leiddi lista Vinstri grænna þar í kosn­ing­unum árið 2017. Rósa Björk sagði sig úr VG í sept­em­ber á síð­asta ári og var utan flokka í nokkra mán­uði áður en hún gekk til liðs við þing­flokk Sam­fylk­ing­ar­innar um miðjan des­em­ber.

„Ég hef fulla trú á að stefna og sýn Sam­fylk­ing­ar­innar eigi mik­inn hljóm­grunn hjá kjós­endum í Suð­vest­ur­kjör­dæmi, sem og ann­ars staðar og mun ég leggja mig alla fram um að vinna vel í þágu þeirra, nú sem áður. Ég hlakka til að takast á við krefj­andi en spenn­andi verk­efni á næsta kjör­tíma­bil­i,“ segir Rósa Björk í til­kynn­ingu.

Fer ekki fram í Reykja­vík

Þing­mað­ur­inn tók þátt í umtal­aðri leyni­legri skoð­ana­könnun Sam­fylk­ing­ar­innar í Reykja­vík nýlega. Sam­kvæmt nið­ur­stöðum þeirrar könn­un­ar, sem sagt var frá að hluta í Frétta­blað­inu í síð­ustu viku, var hún á meðal þeirra fimm ein­stak­linga sem flestir þátt­tak­endur vildu sjá skipa efstu sæti lista flokks­ins í Reykja­vík­ur­kjör­dæm­unum tveim­ur.

Nú er hins vegar ljóst að hún mun ekki fara fram í öðru hvoru Reykja­vík­ur­kjör­dæmanna, heldur sækj­ast eftir efsta sæt­inu á lista flokks­ins í Suð­vest­ur­kjör­dæmi, fjöl­menn­asta kjör­dæmi lands­ins.

Guð­mundur Andri Thors­son þing­maður leiddi lista Sam­fylk­ing­ar­innar þar í síð­ustu alþing­is­kosn­ing­um. Sam­fylk­ingin fékk ein­ungis einn þing­mann kjör­inn í kjör­dæm­inu og 12,15 pró­sent atkvæða.