Hringtorg kveðja og vinstri beygjur víða gerðar ómögulegar

Lagt er til að tvö stór hringtorg verði ljósagatnamót og vinstri beygjum í kringum borgarlínuleiðir verði fækkað verulega, í fyrstu tillögum að útfærslu alls 79 gatnamóta sem eru í fyrstu lotu Borgarlínu.

Til vinstri má sjá núverandi hringtorg á Hringbraut og tillöguna þar fyrir neðan og til hægri má sjá núverandi hringtorg á Suðurlandsbraut og tillögu að gatnamótum þar fyrir ofan.
Til vinstri má sjá núverandi hringtorg á Hringbraut og tillöguna þar fyrir neðan og til hægri má sjá núverandi hringtorg á Suðurlandsbraut og tillögu að gatnamótum þar fyrir ofan.
Auglýsing

Í frum­drögum að fyrstu lotu Borg­ar­línu er gert ráð fyrir því að tvö fjöl­farin hring­torg í gatna­kerfi höf­uð­borg­ar­svæð­is­ins heyri brátt sög­unni til og verði leyst af hólmi með ljósagatna­mót­u­m.



Þetta er ann­ars vegar hring­torgið mikla sem markar inn­gang að Vest­ur­bænum á gatna­mótum Hring­brautar og Suð­ur­götu og hins vegar hring­torgið á mótum Suð­ur­lands­brautar og Skeið­ar­vogs.

Öll gatna­mót í fyrstu lotu Borg­ar­lín­unnar verða því ýmist T-gatna­mót eða kross­gatna­mót, en alls er um að ræða 79 gatna­mót á þeirri 14,5 kíló­metra leið sem fyrsta lota Borg­ar­línu nær til. Til­lögur að þeim öllum eru teikn­aðar upp í frum­draga­skýrsl­unni sem kynnt var í gær.

Í umfjöllun um gatna­mót í skýrsl­unni kemur fram að sjald­gæft sé að gatna­mót séu útfærð með hring­torgum þar sem almenn­ings­sam­göngur í sér­rými fari um, þrátt fyrir að dæmi séu til um það, til dæmis í Nor­egi og Frakk­land­i. 

Á höf­uð­borg­ar­svæð­inu er lagt til að láta hring­torgin víkja, ekki síst til þess að greiða leið gang­andi og hjólandi veg­far­enda um umrædd gatna­mót, en kross­gatna­mót með ljósum henta þeim mun betur en hring­torg. Gang­andi og hjólandi þurfa ekki að leggja lykkju á leið sína til að kom­ast í gegn, óhað því í hvaða átt á að fara.

Þessar skýringarmyndir eru úr frumdragaskýrslu Borgarlínu.



Í dag er ekki gert ráð fyrir því að gang­andi eða hjólandi fólk fari bein­ustu í gegnum hring­torgið á Suð­ur­lands­braut nema að tak­mörk­uðu leyti. Und­ir­göng ætluð gang­andi eru undir göt­una þar sem Skeifan mætir Mörk­inn­i. 

Auglýsing

Þeir sem leggja leið sína gang­andi um hring­torgið á mótum Hring­brautar og Suð­ur­götu finna síðan vel fyrir því að þar eru þeir ekki í for­gangi og ekki er hugað að göngu­þver­unum í allar átt­ir. Þetta mun breytast, sam­kvæmt til­lög­unum sem lagðar hafa verið fram.

Vinstri beygjum sleppt þar sem kostur er

Fleiri gatna­mót breyt­ast en ein­göngu þau sem verða ekki lengur útfærð með hring­torg­um. Í skýrsl­unni er lagt til að sleppa vinstri beygjum víða, til að þver­anir almennrar umferðar yfir sér­rými Borg­ar­línu verði í lág­marki.

Lagt er til að sleppa vinstri beygjum á kross­gatna­mótum eins og unnt er, en með vinstri­beygju­banni verða gatna­mótin í raun að tvennum T-gatna­mót­um. Þessu er ætlað tryggja greið­færni Borg­ar­lín­unnar og fækka svoköll­uðum bága­punkt­um, en með því orði er átt við staði þar sem umferð­ar­straumar sker­ast. Færri bága­punktar auka umferð­ar­ör­yggi.Nokkur dæmi um gatnamót að Lækjargötu, þar sem tvöföld borgarlínubraut verður fyrir miðju.



Dæmi um gatna­mót þar sem lagt er til að ekki lengur heim­ilt að beygja til vinstri á bíl er þegar komið verður út úr Faxa­feni og inn á Suð­ur­lands­braut­ina. Hið sama mun eiga við þegar komið verður akandi út úr bæði Álf­heimum og Veg­múla og inn á Suð­ur­lands­braut. Vinstri beygja af Suð­ur­lands­braut, yfir sér­rýmið og inn í Lág­múla verður heldur ekki mögu­leg, sam­kvæmt þessum fyrstu til­lög­um.

Það sama er uppi á ten­ingnum á gatna­mótum Banka­strætis og Lækj­ar­götu, en ekki er gert ráð fyrir að bílar geti beygt til vinstri þegar niður í Lækj­ar­götu er kom­ið.

Í umfjöllun um umferð­ar­ör­yggi í skýrsl­unni segir að þar sem vinstri beygjur verði ekki lengur mögu­legar muni hluti bíla­um­ferðar finna sér nýjar leiðir og leita í nær­liggj­andi göt­ur. Því sé mik­il­vægt að huga að umferð­ar­ör­yggi í þeim líka.

Kenna þurfi Íslend­ingum að nálg­ast borg­ar­línu­braut­irnar

Í umfjöllun í skýrsl­unni segir einnig að Íslend­ingar þekki sér­reinar fyrir almenn­ings­sam­göngur sem séu úti í jaðri gatna en ekki borg­ar­línu­brautir og -reinar sem verði fyrir miðju. Því sé mik­il­vægt að kynna vel fyrir fólki hvernig Borg­ar­línan muni virka. 

Reynslan sýni til dæmis að óvönum veg­far­endum geti fund­ist rugl­andi að ekið sé í báðar áttir á mið­lægri borg­ar­línu­braut, þegar þeir þvera þær.



Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Maria Witteman og kollegar að störfum í skógum Rúanda.
Regnskógar gætu illa ráðið við loftslagsbreytingar
Það getur verið heitt og rakt í regnskógunum en þeir þola þó ekki langvarandi hátt hitastig og þurrka. Þannig gætu loftslagsbreytingar haft áhrif á hina náttúrulegu kolefnisbindingu þeirra.
Kjarninn 1. október 2022
Jina Amini, 22 ára Kúrdi, lést í haldi írönsku siðgæðislögreglunnar í síðasta mánuði. Mótmæli hafa staðið yfir í Íran, og víðar, frá því að hún lést.
Kona, líf, frelsi
Mannréttindasamtök segja að minnsta kosti 83 látna í mótmælum í Íran. Yfirvöld segja töluna mun lægri, 41 í mesta lagi. Þingmaður Pírata hvetur fólk til að segja nafn konunnar sem kom mómæltunum af stað: Jina Amini.
Kjarninn 1. október 2022
Tækninni á sviði snjallgreiðslna fleygir fram og Íslendingar hafa tileinkað sér það hratt að nota síma og önnur snjalltæki til þess að greiða fyrir verslun og þjónustu.
Plastkort enn mest notaða greiðslulausnin en snjallgreiðslur sækja á
Í hópi þess þorra fólks sem greiðir fyrir vörur eða þjónustu einu sinni í viku að lágmarki eru nú hátt í fjörutíu prósent byrjuð að nota snjalltæki af einhverju tagi til þess að inna greiðslur að hendi, að jafnaði. Vægi reiðufjár minnkar sífellt.
Kjarninn 1. október 2022
Sjö molar um efnahags- og stjórnmálastorm í Bretlandi
Er Bretar leyfðu sér loks að líta upp úr langdreginni erfidrykkju Elísabetar drottningar tók ekki skárra við. Ný ríkisstjórn Liz Truss virðist búin að skapa sér djúpa efnahagslega og pólitíska krísu, ofan á orkukrísuna.
Kjarninn 1. október 2022
Líffræðileg fjölbreytni er grunnþáttur í viðhaldi vistkerfa í sjó, á landi, í vatni og lofti.
Landeigendur fái meiri hvata til endurheimtar vistkerfa
Loftslagsbreytingar, mengun, ágengar tegundir, eyðing búsvæða og bein nýting mannsins eru helstu áskoranir varðandi hnignun líffræðilegrar fjölbreytni á Íslandi. Neysla er t.d. drifkraftur framleiðslu sem oft leiðir til ósjálfbærrar nýtingar auðlinda.
Kjarninn 1. október 2022
Þeir skipta þúsundum, tannburstarnir í norska skóginum.
Tannburstarnir í skóginum
Jordan, tannburstaframleiðandinn þekkti, hefur auglýst eftir notuðum tannburstum sem áhugi er á að reyna að endurvinna. Í norskum skógi hafa fleiri þúsund tannburstar frá Jordan legið í áratugi og rifist er um hver beri ábyrgð á að tína þá upp.
Kjarninn 30. september 2022
Orri Hauksson, forstjóri Símans.
Síminn vill greiða hluthöfum 31,5 milljarða vegna sölunnar á Mílu – og svo sennilega meira
Franska fyrirtækið Ardian er búið að gera upp við Símann vegna kaupanna á Mílu. Síminn ætlar að leggja tillögu um að greiða hluthöfum 31,5 milljarða króna af söluandvirðinu fyrir hluthafafund í lok október.
Kjarninn 30. september 2022
Á fjórum stöðum streymir gas upp af leiðslunni í Eystrasalti.
„Um viljaverk var að ræða“
Götin á Nord Stream-gasleiðslunum er mjög stór og gríðarlegt magn metans streymir enn út í andrúmsloftið. Danir og Svíar ætla að gæta þess að á fundi öryggisráðs Sþ í kvöld verði fjallað um staðreyndir, „nefnilega þær að um viljaverk var að ræða“.
Kjarninn 30. september 2022
Meira úr sama flokkiInnlent