Andrés Ingi Jóns­son alþing­is­maður hefur ákveðið að ganga til liðs við þing­flokk Pírata og mun hann gefa kost á sér í próf­kjöri flokks­ins fyrir næstu kosn­ing­ar. Þetta kemur fram í stöðu­upp­færslu sem Andrés Ingi sendi frá sér á Face­book-­síðu sinni í dag, en til­kynn­ingin barst einnig fjöl­miðlum frá þing­flokki Pírata. 

Andrés Ingi hefur verið þing­maður utan flokka í rúmt ár eftir að hafa sagt sig úr þing­flokki Vinstri grænna í lok nóv­em­ber­mán­aðar 2019. 

Í stöðu­upp­færslu sinni sagð­ist Andrés vilja vera hluti af „hóp sem er hægt að treysta til að taka djarfar ákvarð­an­ir“ og að hann telji að innan þing­flokks Pírata muni hug­sjónum hans vera best borg­ið. Hann mun gefa kost á sér í kom­andi próf­kjöri til að sjá hvort gras­rót flokks­ins treysti honum fyrir áfram­hald­andi verk­efnum eftir næstu kosn­ing­ar. 

Sam­kvæmt til­kynn­ing­unni frá Pírötum sam­þykkti þing­flokk­ur­inn ein­róma að bjóða Andrés vel­kom­inn í hóp­inn á þing­flokks­fundi í morg­un. Flokk­ur­inn seg­ist hafa átt í góðu sam­starfi við hann, flutt saman fjölda þing­mála og unnið náið saman í nefndum þings­ins. Með tím­anum hafi komið í ljós að um sé að ræða nátt­úru­lega banda­menn með margar sam­eig­in­legar áhersl­ur.