Nýsköp­un­ar­fyr­ir­tækin KATLA, Gar­den, Lockwood Publ­is­hing og Thund­erful Group, sem eru öll rekin af Íslend­ingum sem búa erlend­is, fengu sam­tals hluta­fjár­aukn­ingu að and­virði rúm­lega 15 millj­arða króna í fyrra. Á meðal fjár­festa var íslenski fram­taks­sjóð­ur­inn Crowberry Capi­tal og kín­verski tækniris­inn Tencent. Þetta kemur fram í frétt sem birt­ist á vef Northstack í gær. 

KATLA fékk 168 millj­ónir

Fyrir rúmu ári síðan til­kynnti Áslaug Magn­ús­dótt­ir, með­stofn­andi og fyrrum fram­kvæmda­stjóri tísku­vef­versl­un­ar­innar Moda Oper­andi, útgáfu nýs fata­merkis undir nafn­inu KATLA. Sam­kvæmt heima­síðu fyr­ir­tæk­is­ins sér­hæfir það sig í fram­leiðslu á sjálf­bærum og umhverf­is­vænum kven­fatn­aði. Crowberry Capi­tal tryggði fata­merk­inu 1,3 millj­ónir Banda­ríkja­dala, sem jafn­gildir 168 millj­ónir íslenskra króna, í fyrstu fjár­mögnun hennar síð­ast­lið­inn des­em­ber.  

Gar­den fékk 485 millj­ónir

Crowberry leiddi einnig hluta­fjár­út­boð tækni­fyr­ir­tæk­is­ins Gar­den í nóv­em­ber síð­ast­liðn­um, en með því náði fyr­ir­tækið að auka hlutafé sitt um 3,8 millj­ónir Banda­ríkja­dala, sem jafn­gildir tæpum hálfum millj­arði króna. Fyr­ir­tæk­ið, sem er rekið af Jóni Eðvaldi Vign­is­syni, fékk var einnig fjár­magnað af Renaud Visa­ge, stofn­anda miða­sölu­vef­síð­unnar Event­brite, og Davíð Helga­syni, stofn­anda fyr­ir­tæk­is­ins Unity, sem þróar tölvu­leikja­hug­bún­að. 

Lockwood Publ­is­hing fékk 3,2 millj­arða

Davíð fjár­festi einnig í leikja­fram­leið­and­anum Lockwood Publ­is­hing, sem Har­aldur Þór Björns­son stýrir og er stað­settur í Nott­ing­ham í Bret­landi í hluta­fjár­út­boði síð­ast­lið­inn nóv­em­ber. Sam­kvæmt heima­síð­unni Pocket­Gamer leiddi kín­verski tækniris­inn Tencent fjár­mögn­un­ina, en hún nam sam­tals um 25 millj­ónum Banda­ríkja­dala, eða um 3,2 millj­örðum króna. Lockwood er fram­leið­andi tölvu­leiks­ins Avakin Life, sem yfir 200 millj­ónir manna nota. 

Thund­erful Group með 11,7 millj­arða

Langstærsti hluti fjár­mögn­un­ar­innar kom þó frá sænska tölvu­leikja­fyr­ir­tæk­is­ins Thund­erful Group, sem er rek­inn af Brjáni Sig­ur­geirs­syni og er með höf­uð­stöðvar í Gauta­borg í Sví­þjóð. Fyr­ir­tækið var skráð í First North Premier kaup­höll­ina í Sví­þjóð byrjun des­em­ber á síð­asta ári og gaf á sama tíma út 15 milljón nýja hluti í fyr­ir­tæk­inu. Hver hlutur kost­aði þá 50 sænskar krón­ur, sem jafn­gildir um 777 íslenskum krón­um, þannig að fyr­ir­tækið náði að auka hlutafé sitt um 11,7 millj­arða króna með skrán­ing­unni.