Ef Júdas hefði lagt silf­ur­pen­ing­ana sína þrjá­tíu inn á banka­reikn­ing með 3% árs­vöxtum þá ættu afkom­endur hans meira en sem nemur öllu silfri sem til er í heim­in­um. Upp­hæðin tvö­fald­ast á 22 ára fresti og hefur því tvö­fald­ast 90 sinn­um. ­Silf­ur­pen­ing­arnir þrjá­tíu, sem Júdas fékk þegar hann fram­seldi Jesú til róm­verskra yfir­valda, væru þá í dag orðn­ir 1.416.841.637.924.760.000.000.000.000 silf­ur­pen­ing­ar!

Hefði Júdas lagt silf­ur­pen­ing­ana 30 inn á banka­bók, þá ættu afkom­endur hans í dag 1.416.841.637.924.760.000.000.000.000 silf­ur­pen­inga.

Þetta kom fram í fjórða þætti af Ferð til fjár á RÚV. Þeir Helgi Seljan og Breki Karls­son, umsjón­ar­menn þátt­anna, fjöll­uðu sér­stak­lega um vexti og tíma­virði pen­inga í þætt­in­um. Þeir fengu meðal ann­ars Tinnu Lauf­eyju Ásgeirs­dóttur til þess að útskýra hvernig vextir virka og sagði hún þá í raun vera leigu á pen­ingum. „Ef við tökum bíl á bíla­leigu þá borgum við fyrir hann leigu. Það er ekki þannig að við getum sagt: Ég fæ bíl­inn og skila honum til baka eins og ég fékk hann. Við borgum fyrir afnot­in. Sama gildir með fjár­muni. Ef ein­stak­lingur fær lán þá borgar hann leigu fyrir að nota þessa pen­inga. En við köllum það ekki leigu heldur vext­i,“ sagði hún.

Kjarn­inn og Stofnun um fjár­mála­læsi hafa tekið höndum saman og munu fjalla ítar­lega um heim­il­is­fjár­mál sam­hliða þátt­unum Ferð til fjár, sem sýndir verða á RÚV næstu vik­ur. Mark­mið­ið: Að stuðla að betra fjár­mála­læsi hjá lands­mönn­um! Næsti þáttur er á dag­skrá fimmtu­dag­inn 12. febr­ú­ar. Fylgstu með á Face­book-­síðu Ferðar til fjár.