Áfram fleiri sem keyra oftast til vinnu en helst myndu kjósa

Hlutfall þeirra sem keyrðu oftast í vinnuna í júnímánuði jókst á þessu ári miðað við síðasta ár, samkvæmt nýrri ferðavenjukönnun frá Maskínu. Borgarfulltrúar túlkuðu niðurstöðurnar hver með sínu nefi á fundi skipulags- og samgönguráðs á miðvikudag.

Fleiri íbúar á höfuðborgarsvæðinu sögðust keyra til vinnu í júní 2021 en þegar spurt var að því sama í júní árið 2020.
Fleiri íbúar á höfuðborgarsvæðinu sögðust keyra til vinnu í júní 2021 en þegar spurt var að því sama í júní árið 2020.
Auglýsing

Sam­kvæmt nýrri könnun um ferða­venjur meðal fólks á höf­uð­borg­ar­svæð­inu eru sem fyrr lang­flestir sem ferð­ast oft­ast með einka­bíl til og frá vinnu, en stór hluti þeirra sem oft­ast aka væri þó eftir sem áður frekar til í að ferða til vinnu með ein­hverjum öðrum hætti, sér í lagi fót­gang­andi eða hjólandi.

Nið­ur­stöður könn­un­ar­innar leiða í ljós að 74,7 pró­sent íbúa á höf­uð­borg­ar­svæð­inu fara oft­ast á einka­bíl í vinn­una, fjórum pró­sentum til við­bótar er oft­ast skutlað í vinn­una, 6,6 pró­sent fara á hjóli, 8,2 pró­sent ganga og fjögur pró­sent segj­ast oft­ast fara með strætó.

Hlut­fall þeirra sem sögð­ust oft­ast aka í vinn­una stígur á milli á ára, en í júní í fyrra mæld­ist það 63,3 pró­sent sem var umtals­verð lækkun frá því í ágúst 2019, þegar 71,6 pró­sent svar­enda sögð­ust oft­ast keyra á sínum einka­bíl til vinnu.

Hlut­fall þeirra sem sögð­ust helst vilja keyra í vinn­una nam svo 46,3 pró­sent­um, sem er einnig aukn­ing frá fyrra ári og raunar tölu­verð, en í könnun sem gerð var í júní í fyrra nam hlut­fallið ein­ungis 35,3 pró­sent­um. 18 pró­sent segj­ast nú helst vilja ganga til vinnu, 17,8 pró­sent segj­ast helst vilja hjóla, 8,8 pró­sent segj­ast helst vilja taka strætó og 3,1 pró­sent segj­ast helst vilja fara á raf­hlaupa­hjóli.

Meiri­hlut­inn segir borg­ina þurfa að hlusta á bíl­stjóra sem kjósi aðra ferða­máta

Skoð­ana­könn­un­in, sem fram­kvæmd var af Mask­ínu í júní­mán­uði var kynnt á fundi í skipu­lags- og sam­göngu­ráði borg­ar­innar í gær og óhætt er að segja að nið­ur­stöð­urnar hafi verið túlk­aðar á ýmsan máta, sam­kvæmt bók­unum kjör­inna full­trúa á fund­in­um.

Niðurstöður könnunar Maskínu. Lesa má út úr þessu að 88,2 prósent fari að minnsta kosti stundum keyrandi til vinnu, 27,7 prósent hjóli stundum, 25,1 prósent gangi stundum og 21,1 prósent taki stundum strætó.

Full­trúar Við­reisn­ar, Sam­fylk­ingar og Pírata, sem mynda meiri­hluta borg­ar­stjórn­ar, sögðu að líkt og und­an­farin ár væru „miklu fleiri sem ferð­ast með bíl heldur en þau sem vilja helst ferð­ast með bíl“ og bentu á að ríf­lega helm­ingur aðspurðra myndi velja það sem fyrsta kost að ferð­ast með öðrum hætti en bíl til og frá vinnu.

„Heil 40% þeirra sem fara oft­ast til vinnu með bíl myndu helst vilja nýta annan far­ar­máta. Það eru mik­il­væg skila­boð sem borgin þarf að hlusta á,“ sögðu full­trúar meiri­hlut­ans, þau Pawel Bar­toszek, Dóra Björt Guð­jóns­dótt­ir, Hjálmar Sveins­son og Sara Björg Sig­urð­ar­dótt­ir.

Auglýsing

Fram­setn­ing nið­ur­staðn­anna frá Mask­ínu og túlkun meiri­hlut­ans á þeim féll sumum borg­ar­full­trúum þó ekki vel að skapi, en í plagg­inu sem kynnt var á fund­inum voru nið­ur­stöð­urnar settar fram með þeim hætti að úr þeim mátti lesa fyrsta, annað og þriðja val þátt­tak­enda í könn­unn­inni hvað varðar ferða­máta, sem ætla má að sé hugsað til þess að end­ur­spegla það að margir fari t.d. stundum á hjóli til og frá vinnu þrátt fyrir að fara ef til vill oft­ast á bíl.

Vig­dís, útúr­snún­ingar og vit­leys­is­gangur

Vig­dís Hauks­dóttir borg­ar­full­trúi Mið­flokks­ins og áheyrn­ar­full­trúi í ráð­inu lét gagn­bóka að meiri­hlut­inn væri með „út­úr­snún­inga og vit­leys­is­gang“ og lagði áherslu á að tæp 80 pró­sent Reyk­vík­inga not­uðu „fjöl­skyldu­bíl­inn“ til að kom­ast til og frá vinnu.

„Að pína fólk í könnun til að svara því í öðru og þriðja lagi hvernig það vilji ferð­ast ef fjöl­skyldu­bíll­inn væri ekki til staðar skekkja stað­reyndir í kollum meiri­hlut­ans og nota þau þær afleiddu upp­lýs­ingar til að draga úr vægi fjöl­skyldu­bíls­ins,“ bók­aði borg­ar­full­trú­inn og sagði svo í annarri bókun að fólk ein­fald­lega verði að „sinna dag­legu lífi á bíl­u­m“.

Vigdís Hauksdóttir borgarfulltrúi Miðflokksins. Mynd: Birgir Þór Harðarson

Full­trúar Sjálf­stæð­is­flokks í ráð­inu sögðu það vekja athygli að hlut­deild einka­bíls­ins færi vax­andi á milli ára og vöktu athygli á því að hlut­fall ferða með strætó hefði ekki verið lægra í fjögur ár, sam­kvæmt mæl­ingu Mask­ínu, á meðan að hlut­fall hjól­reiða væri hátt og raf­magns­hlaupa­hjól væru að koma sterk inn, en spurt var um þau sér­stak­lega í fyrsta sinn í þess­ari könnun Mask­ínu.

„Bættir sam­göngu­inn­viðir auka frelsi fólks til að velja sér far­ar­máta og er mik­il­vægt að farið verði í víð­tækar úrbætur í sam­göngum fyrir alla í Reykja­vík,“ sagði í bókun full­trúa flokks­ins, sem eru þau Eyþór Arn­alds, Marta Guð­jóns­dóttir og Katrín Atla­dótt­ir.

Kol­brún Bald­urs­dóttir áheyrn­ar­full­trúi Flokks fólks­ins í ráð­inu bók­aði svo að könn­unin sýndi að fleiri en 80 pró­sent Íslend­inga ferð­uð­ust á bíl í vinn­u.. „Hjól sem sam­göngu­tæki eru greini­lega ekki eins vin­sæl og halda mætt­i,“ bók­aði Kol­brún, sem segir ekki að sjá að „ferða­breyt­ingar séu í aðsig­i“.

Könn­unin sem um ræðir var lögð fyrir Þjóð­gátt Mask­ínu, sem er þjóð­hópur fólks sem dreg­inn er með til­viljun úr Þjóð­skrá. Könn­unin fór fram á net­inu dag­ana 3. til 30. júní 2021 og voru svar­endur 1.571 tals­ins úr röðum vinn­andi fólks af öllu höf­uð­borg­ar­svæð­inu og á aldr­inum 18 ára og eldri.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jair Bolsonaro hefur verið forseti Braslilíu frá árinu 2019.
Bolsonaro ásakaður um glæpi gegn mannkyni vegna viðbragða sinna við COVID-19
Rekja má dauða um 300 þúsund Brasilíumanna til stefnu forsetans í faraldrinum. Ríkisstjórnin hunsaði yfir 100 tölvupósta frá Pfizer, leyfði veirunni að breiðast út meðal frumbyggja og forsetinn hvatti til fjöldasamkoma er sjúkrahúsin voru að fyllast.
Kjarninn 20. október 2021
Heilt yfir myndi stöðugildum presta fækka um 10,7, samkvæmt þeirri tillögu sem liggur fyrir kirkjuþingi.
Lagt til að prestum landsbyggðar verði fækkað í hagræðingaraðgerðum
Í hagræðingartillögum sem liggja fyrir kirkjuþingi er gengið út frá því að prestum á landsbyggðinni fækki um tíu, en að stöðugildum fjölgi hins vegar um 3,5 í prestaköllum á höfuðborgarsvæðinu.
Kjarninn 20. október 2021
Hrafn Magnússon
Slæmur viðsnúningur í lífeyriskerfinu
Kjarninn 20. október 2021
Í austurvegi
Í austurvegi
Í austurvegi – Aukin samskipti Íslands við Kína: Skjól eða gildra?
Kjarninn 20. október 2021
Nýtt deiliskipulag fyrir reitinn í Sigtúni var samþykkt árið 2015. Síðan þá hefur ekkert hreyfst á svæðinu.
Vonast til að uppbygging á Blómavalsreit geti hafist snemma á næsta ári
Framkvæmdastjóri Íslandshótela vonast til þess að hægt verði að hefjast handa við uppbyggingu á svokölluðum Blómavalsreit bak við Grand Hótel snemma á næsta ári. Þar stendur til að byggja 109 íbúðir í sex fjölbýlishúsum, auk viðbyggingar við hótelið.
Kjarninn 20. október 2021
Allir stóru bankarnir búnir að hækka íbúðalánavexti og heimilin borga meira
Rúmlega helmingur allra sem eru með íbúðalán á Íslandi eru með óverðtryggð lán. Stór hluti þeirra lána er á breytilegum vöxtum og afborganir þeirra hafa hækkað í takti við stýrivaxtahækkanir Seðlabankans undanfarna mánuði.
Kjarninn 20. október 2021
Myndir af kjörgögnum sem starfsmaður Hótels Borgarness birti á Instagram.
Fólk gekk inn og út úr talningarsal á meðan yfirkjörstjórn „brá sér frá“
Á öryggismyndavélum, sem vakta tvo innganga þar sem kjörgögn Norðvesturkjördæmis voru varðveitt í sal í Hótel Borgarnesi, sést hótelstarfsfólk ganga inn og út frá klukkan 7:30 til 11:46 sunnudagsmorguninn 26. september.
Kjarninn 20. október 2021
Kolbeinn Marteinsson
Af hverju skipulag skiptir máli
Kjarninn 20. október 2021
Meira úr sama flokkiInnlent