Kjör­inn vara­for­maður Efl­ing­ar, Agnieszka Ewa Ziólkowska, tók við emb­ætti for­manns stétt­ar­fé­lags­ins á stjórn­ar­fundi í dag. Á sama fundi var afsögn Sól­veigar Önnu Jóns­dóttur úr emb­ætti for­manns Efl­ingar afgreidd. 

Ólöf Helga Adolfs­dótt­ir, sem hefur verið mikið í fjöl­miðlum und­an­farið eftir að henni var sagt upp störfum sem hlaðmanni hjá Icelanda­ir, tekur við sem vara­for­maður Efl­ing­ar. Næstu for­manns- og stjórn­ar­kosn­ingar munu fara fram fyrir lok mars á næsta ári. 

Í til­kynn­ingu frá stjórn Efl­ingar segir að stjórn félags­ins leggi áherslu á að tryggja órofa starf­semi félag­ins. „Fé­lags­ins bíður það mikla verk­efni und­ir­búa næstu kjara­samn­ings­við­ræður en samn­ingar eru lausir í lok næsta árs. Í þessu verk­efni mun Efl­ing áfram vera sterkur málsvari verka­fólks. Stjórn Efl­ingar vill þakka Sól­veigu Önnu Jóns­dóttur og Við­ari Þor­steins­syni fyrir þeirra störf í þágu félags­ins á þeim tæp­lega fjórum árum sem þau hafa verið í for­ystu. Fram­lag þeirra í þágu lág­launa­fólks, kvenna og fólks af erlendum upp­runa á Íslandi verður seint full­þakk­að.“ 

Framundan sé að ein­beita sér að þeim verk­efnum sem stjórn beri að sinna. „ For­maður mun starfa með skrif­stof­unni að því að greiða úr þeim vanda­málum sem hafa komið upp í starf­semi félags­ins. Þrátt fyrir þann ágrein­ing sem ratað hefur í fjöl­miðla eru stjórn og starfs­fólk ein­huga í því að tryggja þjón­ustu við félags­menn Efl­ing­ar. Stjórn biður fjöl­miðla um að veita félag­inu frið til að sinna þessum verk­efnum og mun ekki veita nein fjöl­miðla­við­töl að sinn­i.“

Mikil drama­tík síð­ustu daga

Gustað hefur um Efl­ingu síð­ustu daga og ásak­anir gengið á víxl milli fyrr­ver­andi stjórn­enda félags­ins ann­ars vegar og eins stjórn­ar­manns og nokk­urra núver­andi og fyrr­ver­andi starfs­manna hins veg­ar. 

​​For­­saga máls­ins er sú að í júní sam­­þykktu starfs­­menn Efl­ingar ályktun sem hefur ekki verið birt opin­ber­­lega. Í henni voru stjórn­­endur stétt­­ar­­fé­lags­ins gagn­rýndir með ýmsum hætti fyrir fram­komu sína gagn­vart starfs­­fólki. Trún­­að­­ar­­menn starfs­­manna und­ir­­rit­uðu álykt­un­ina og hún var sett fram fyrir hönd starfs­­manna. 

Fyrir viku birti RÚV svo við­­tal við Guð­­mund Bald­­ur­s­­son, stjórn­­­ar­­mann í Efl­ingu, þar sem hann greindi frá því að hann hefði ítrekað reynt að fá álykt­un­ina afhenta og að hann hefði áhyggjur af fram­komu stjórn­­enda Efl­ingar gagn­vart starfs­­fólki. Tal­aði hann meðal ann­­ars um að starfs­­fólk sem hefði hætt hjá Efl­ingu hefði talið sér „að ein­hverju leyti ógnað innan gæsalappa, af ógn­­ar­­stjórn.“

Vegna þessa ávarp­aði Sól­­­veig Anna starfs­­­menn á föst­u­­­dags­morgun og bað þá um að draga til baka álykt­un­ina. Ef þeir myndu ekki gera það myndi hún segja af sér. 

Þeir gerðu það ekki heldur sendu frá sér aðra ályktun þar sem kom fram að þeir töldu ósann­­­gjarnt að stjórn­­­endur veltu ábyrgð á inn­­­an­hús­­­málum yfir á sig.

Í kjöl­farið sagði Sól­­veig Anna af sér og ásak­aði starfs­menn um að haga hrakið sig úr starfi. Viðar Þor­steins­son, fram­kvæmda­stjóri Efl­ing­ar, sagði upp störfum í kjöl­farið en hann og Sól­veig Anna hafa starfað náið sam­an.