AGS mælir með þrengri skilyrðum á húsnæðislánum

Seðlabankinn ætti að beita þjóðhagsvarúðartækjum sínum til að takmarka hlut íbúðalána hjá bönkunum eða tryggja endurgreiðslugetu lánanna, að mati Alþjóðagjaldeyrissjóðsins.

Ásgeir Jónsson seðlabankastjóri
Ásgeir Jónsson seðlabankastjóri
Auglýsing

Bregðast ætti við verðhækkunum á húsnæðismarkaði og vaxandi hluti íbúðalána hjá bönkum með beitingu þjóðhagsvarúðartækja, til dæmis með reglum um hámark lánagreiðslna sem hlutfall af tekjum lántakenda eða hámarkshlut lánanna í eignasafni bankanna. Þetta kom fram í áliti Alþjóðagjaldeyrissjóðsins (AGS) um efnahagsleg viðbrögð stjórnvalda við faraldrinum, sem birtist á mánudaginn.

Fjármálakerfið sterkt en hættur víða

Í matinu kom fram að fjármálakerfið hérlendis væri í góðri stöðu, þar sem hátt eiginfjárhlutfall og góð lausafjárstaða bankanna styrkti viðnámsþrótt þeirra við vænt högg á lánasafn þeirra í framtíðinni. Hins vegar væri nauðsynlegt að fylgjast náið með mögulegum hættum sem gætu sprottið upp.

Fylgjast ætti með að kröfur bankanna á fyrirtæki sem hafa komið illa út úr faraldrinum séu rétt verðmetnar, að mati AGS. Þar bæri helst að nefna útistandandi lán fyrirtækja í ferðaþjónustugeiranum. Einnig bætir sjóðurinn við að styðja þurfi við lífvænleg fyrirtæki í greininni með skilvikum hætti.

Auglýsing

Varúðartækjum beitt á íbúðamarkaði

Til viðbótar við óvissu um verðmæti eigna bankanna bætir sjóðurinn við að miklar verðhækkanir á húsnæðismarkaðnum og vaxandi hluti íbúðalána í eignasafni þeirra séu hættumerki fyrir fjármálakerfið. Slíkri hættu væri best að mæta með þjóðhagsvarúðartækjum sem miðuðu að endurgreiðslugetu lántakenda og hversu stór hluti eignasafns bankanna væri í húsnæðislánum. Samkvæmt AGS gætu þessar aðgerðir einnig veitt bönkunum andrými til að styðja við vöxt fyrirtækja þegar efnahagsóvisunni lýkur.

Svokölluð þjóðhagsvarúðartækiSeðlabankans eru reglur sem bankinn getur sett á til að varðveita stöðugleika fjármálakerfisins í heild. Þeirra á meðal eru reglur um eiginfjárauka á fjármálafyrirtæki, gjaldeyrisjöfnuð, laust fé og stöðuga fjármögnun.

Einnig getur Seðlabankinn komið á frekari takmörkunum á fasteignalánum ef vöxtur húsnæðislána verður óhóflegur eða verðhækkanir verða of miklar á fasteignamarkaði.Undir þessar takmarkanir heyra breytingar á veðsetningarhlutfalli á nýjum íbúðalánum og reglur sem takmarka fasteignalán til neytenda í hlutfalli við tekjur lántaka.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Höfuðstöðvar Arion banka í Borgartúninu
Arion hagnast um 6 milljarða á þremur mánuðum
Þrátt fyrir lága vexti og efnahagssamdrátt var hagnaður Arion banka á fyrsta fjórðungi þessa árs mun meiri en á sama tímabili í fyrra.
Kjarninn 5. maí 2021
Björn Leví Gunnarsson, þingmaður Pírata.
„Þeirra er ævintýralega ósanngjarna lýðræðið sem við búum við“
Björn Leví segir að skipting sæta milli þingflokka sé mjög ójöfn. Auðveldasta lausnin til að leysa vandamálið sé að fjölga jöfnunarsætum – það sé ekki flókið né ósanngjarnt.
Kjarninn 5. maí 2021
Samkvæmt því sem segir í nafnlausum skoðanadálki Morgunblaðsins í dag „gæti orðið bið á því“ að blaðið sendi fulltrúa sinn á fund félaga í BÍ til þess að ræða umdeilda skoðanaauglýsingu Samherja sem beindist gegn fréttamanninum Helga Seljan.
Morgunblaðsmenn ekki spenntir fyrir því að ræða auglýsingu Samherja við félagsmenn BÍ
Í ritstjórnardálki í Morgunblaðinu segir að það „gæti orðið bið á því“ að yfirmenn blaðsins þekkist boð um að mæta á fund félaga í Blaðamannafélaginu til að ræða siðferðileg álitaefni í tengslum við birtingu umdeildrar auglýsingar frá Samherja á mbl.is.
Kjarninn 5. maí 2021
Lilja Rafney Magnúsdóttir, þingmaður VG.
Umræða um málefni innflytjenda gengur fram af þingmanni – Skömm að tala málið niður
Þingmaður Vinstri grænni segir að Íslendingar eigi að sýna þann þroska að geta sinnt útlendingamálum með almennilegum hætti og gera það sem best – „við sem rík þjóð“. Umræða Miðflokksmanna hafi gengið fram af henni í gær.
Kjarninn 5. maí 2021
Þriðjungur fyrstu ferðagjafarinnar fór til tíu fyrirtækja
Nú stendur til að endurnýja ferðagjöf stjórnvalda til að örva eftirspurn innanlands. Rúmur helmingur þeirra sem áttu rétt fyrstu ferðagjöfinni hafa nýtt hana. Á meðal þeirra sem fengu mest í sinn hlut voru eldsneytissalar og skyndibitakeðjur.
Kjarninn 5. maí 2021
Hluti þingliðs Miðflokksins á björtum og fallegum sumardegi fyrr á kjörtímabilinu.
Stillt upp á lista hjá Miðflokknum í öllum kjördæmum
Fimm manna uppstillingarnefndir munu setja saman framboðslista Miðflokksins í öllum kjördæmum landsins fyrir komandi kosningar, en ekki kosið í sæti á lista á félagsfundum. Fylgi flokksins hefur verið í nokkurri lægð að undanförnu.
Kjarninn 5. maí 2021
Meira úr sama flokkiInnlent