Ali­baba Group Hold­ing, ­stærsta net­fyr­ir­tæki Asíu sem rekur meðal ann­ars sam­nefnda net­versl­un, dró nýverið til baka atvinnu­aug­lýs­ingu sem vakti hörð vibrögð meðal almenn­ings. Í aug­lýs­ing­unni var aug­lýst eftir starfs­krafti með eig­in­leika þekktrar jap­anskrar klám­mynda­leikkonu, til að hvetja ­tölvu­for­rit­ara fyr­ir­tæk­is­ins til góðra verka. Frétta­mið­ill­inn Bloomberg greinir frá mál­inu.

Ali­baba aug­lýsti eftir áhuga­sömum sem kunna að halda „kóð­un­ar-öp­un­um“ svoköll­uðum að verki, að vekja þá og skipu­leggja morg­un­fundi. Til að hljóta stöð­una var til­tekið í aug­lýs­ing­unni að lík­am­legt atgervi á borð við klám­mynda­leikkon­una Sola Aoi myndi auka mögu­leika umsækj­enda.

Aug­lýs­ingin birt­ist á sama tíma og banda­rísk tækni­fyr­ir­tæki eru gagn­rýnd fyrir mikið kynja­mis­rétti og mis­mun­un. Þrátt fyrir gott orð­spor Ali­baba hvað varðar fjölda kvenna í stjórn­un­ar­störfum hjá fyr­ir­tæk­inu, sætti umrædd starfs­aug­lýs­ing harðri gagn­rýni á kín­verskum sam­fé­lags­miðl­um.

„Það er ekki bara sær­andi móðgun gagn­vart kvenn­mönnum að slíkt starf fyr­ir­finnist, heldur sömu­leiðis gagn­vart karl­mönnum og ekki síst þeim sem starfa sem tölvu­for­rit­ar­ar,“ hefur Bloomberg eftir fyrr­ver­andi starfs­manni Ali­baba, sem vann við for­rit­un.

Í yfir­lýs­ingu frá fyr­ir­tæk­inu segir það að um mis­heppn­aða til­raun til spaugi­legrar mark­aðs­setn­ingar hafi verið að ræða. Þó fyr­ir­tækið aug­lýsi enn eftir „klapp­stýru“ fyrir tölvu­for­rit­ara hefur sam­an­burð­ur­inn við klám­mynda­leikkon­una verið fjar­lægður og karlar hvattir til að sækja um stöð­una til jafns við kon­ur.

„Við biðjum alla þá sem móðg­uð­ust vegna aug­lýs­ing­ar­innar afsök­un­ar. Ali­baba er stað­ráðið í að stuðla að jafn­rétti innan fyr­ir­tæk­is­ins án mis­mun­un­ar,“ að því er fram kemur í yfir­lýs­ingu fyr­ir­tæk­is­ins.