Jap­anska hag­kerfið óx um 2,2 pró­sent á síð­ustu þremur mán­uðum árs­ins í fyrra, en spár höfðu gert ráð fyrir allt að 3,7 pró­sent vexti, að því er breska rík­is­út­varpið BBC greinir frá. Vöxt­ur­inn er þó mun betri en hag­töl­urnar fyrir fyrstu þrjá fjórð­unga árs­ins í fyrra, en þær þóttu „sjokker­and­i“, eins og Shinzo Abe for­sæt­is­ráð­herra lét hafa eftir sér eftir að hag­tölur fyrir fyrri helm­ing árs­ins voru birt­ar. Þær sýndu 1,6 pró­sent nei­kvæðan hag­vöxt. Strax í kjöl­farið gripu jap­anski seðla­bank­inn og stjórn­völd til aðgerða til þess að örva hag­kerf­ið, meðal ann­ars með mik­ill fjárinn­spýt­ingu á fjár­mála­mark­aði og skatta­legra aðgerða sem miða að því að fjölga störfum og auka eft­ir­spurn í hag­kerf­inu.

２月７日に発表した自民党の新しいポスター。キャッチコピーは「地方こそ、成長の主役」です。安倍内閣の下で地方創生を力強く進め、景気回復の風を全国津々浦々まで届けていきます。２月中には全国デビューの予定です。#自民党ポスター pic.twitt­er.com/DYSKFFhSqD

— 安倍晋三 (@A­beS­hinzo) Febru­ary 13, 2015

Hag­töl­urnar þykja ekki benda til þess að þessar örvung­ar­að­gerðir hafi heppn­ast vel, þvert á móti eru hag­vaxt­ar­töl­urnar taldar sýna að þörf sé á frek­ari aðgerð­um, að því er segir í umfjöllun BBC.

Síð­ustu þrír mán­uðir hvers árs eru mik­il­vægir jap­anska hag­kerf­inu, og er vöxtur jafnan meiri á þeim árs­tíma en á fyrri mán­uðum árs­ins. Ástæðan er meðal ann­ars sú að mik­ill hluti jap­anska hag­kerf­is­ins er drifin áfram af smá­sölu og þjón­ustu sem oft á sinn mik­il­væg­asta sölu­tíma á síð­asta árs­fjóð­ungn­um, einkum í des­em­ber.

Lít­ill sem eng­inn hag­vöxtur hefur ein­kennt jap­anska hag­kerfið und­an­farin ár, og hefur það valdið stjórn­völdum miklum áhyggj­um. Ýmsir erf­ið­leikar hafa steðjað að hag­kerf­inu, fyrir utan erf­ið­leika á fjár­mála­mörk­uðum heims­ins. Þannig fóru inn­viðir í Japan illa út úr jarð­skjálft­anum 11. mars 2011, þegar flóð­bylgja í kjöl­far skjálft­ans olli stór­tjóni.

https://www.youtu­be.com/watch?v=wyOPau0g­pFw

Abe for­sæt­is­ráð­herra hefur sagt, að nauð­syn­legt sé að efla útflutn­ing og auka eft­ir­spurn í hag­kerf­inu, eigi ekki illa að fara. Rík­is­sjóður Jap­ans er stór­skuld­ug­ur, en skuld­irnar nema um 220 pró­sent af árlegri lands­fram­leiðslu, sam­kvæmt upp­lýs­ingum Alþjóða­gjald­eyr­is­sjóðs­ins.