Helgi Hrafn Gunn­ars­son, þing­maður Pírata, sagð­ist á þingi í morgun hafa tekið þátt í að leggja fram frum­varp ásamt öllum öðrum flokks­for­mönnum á þingi um bann við nafn­lausum áróðri með þeim fyr­ir­vara að kannað yrði ræki­lega hvernig slíkt bann sam­ræmd­ist tján­ing­ar­frels­is­á­kvæði stjórn­ar­skrár­inn­ar.

Kjarn­inn fjall­aði í morgun um frum­varpið og rifj­aði upp ástæður þess að verið er að leggja það fram, en fyrir síð­ustu kosn­ing­ar, bæði til Alþingis og reyndar borg­ar­stjórnar Reykja­víkur líka, hefur verið tölu­vert um nafn­laus áróð­urs­mynd­bönd á net­inu sem hafa sum hver fengið mikla dreif­ing­u.

Verði frum­varpið að lögum eins og for­menn­irnir hafa lagt það fram verður stjórn­mála­sam­tök­um, kjörnum full­trúum þeirra og fram­bjóð­end­um, sem og fram­bjóð­endum í per­sónu­kjöri, óheim­ilt að fjár­magna, birta eða taka þátt í birt­ingu efnis eða aug­lýs­inga í tengslum við stjórn­mála­bar­áttu nema fram komi við birt­ingu að efnið sé birt að til­stuðlan eða með þátt­töku þeirra.

Auk þess eiga allar aug­lýs­ingar og annað kostað efni, sem ætlað er að hafa áhrif á úrslit kosn­inga, að vera merkt aug­lýsanda eða ábyrgð­ar­manni frá þeim degi kjör­dagur hefur form­lega verið aug­lýstur vegna kosn­inga til Alþing­is, sveita­stjórna eða til emb­ættis for­seta Íslands.

Þarf að gera kröfu til fólks um sjálf­stæða hugsun

Helgi Hrafn sagði í ræðu sinni undir liðnum störf þings­ins í morgun að hann vildi að skoðað yrði af hálfu stjórn­skip­un­ar- og eft­ir­lits­nefndar hvort þetta frum­varp sam­ræmd­ist þeim lýð­ræð­is­legu gildum sem tján­ing­ar­frels­inu væri ætlað að næra.

Hann sagði einnig að það væri þó annað sem væri jafn­vel enn mik­il­væg­ara en þetta frum­varp: „Hlut­verk borg­ar­ans, les­and­ans, áheyrand­ans, á því að geta les­ið, séð og heyrt heim­inn sem við búum í án þess að heila­þvost af honum sam­stund­is.“



„Al­menn­ingur ekki börn yfir­valda, þetta er full­orðið fólk upp til hópa og við eigum að gera þá kröfu til ann­ars full­orð­ins fólks að það hafi sjálf­stæða hugsun og geti tekið upp­lýstar ákvarð­anir þótt það verði fyrir ein­hverri vit­leysu á inter­net­in­u,“ sagði Helgi Hrafn og bætti við að því miður væri íslenskt sam­fé­lag ekki vant því að hugsa þannig um fólk.

„Heldur er meira og minna hugsað um almenn­ing sem sam­an­safn af börnum sem yfir­völd þurfi ein­hvern­veg­inn að ala upp og ég vildi bara koma hér upp í ljósi umfjöll­unar Kjarn­ans og fram­lagn­ingar þessa frum­varps og minna á að almenn­ingur er ekki sam­an­safn af börn­um, heldur full­orðnu fólki,“ sagði for­maður Pírata.