Nýtt veiru­af­brigði, meiri verð­bólga og aukin skuld­setn­ing hins opin­bera mun leiða til þess að hægja mun á hag­vexti á heims­vísu í ár. Afleið­ingar þess­ara þátta verða sér­stak­lega slæmar fyrir þró­un­ar­ríki, en búist er við því að tekju­munur á milli þeirra og iðn­ríkja muni aukast enn frekar á næstu árum. Þetta kemur fram í nýrri hag­spá Alþjóða­bank­ans, sem kom út fyrr í dag.

Hörð lend­ing mögu­leg

Sam­kvæmt hag­spánni er búist við að hag­vöxtur á heims­vísu muni nema 4,1 pró­sent í ár og 3,2 pró­sent á næsta ári, sam­hliða því sem dregur úr vexti eft­ir­spurnar og undið verður ofan af stuðn­ings­að­gerðum rík­is­stjórna víða um heim. Áður fyrr hafði bank­inn spáð 5,5 pró­senta hag­vexti í ár.

Varað var við „harðri lend­ingu“ eftir efna­hags­þreng­ing­arnar sem hafa fylgt heims­far­aldr­in­um, þar sem nýtt Omíkron-af­brigði kór­ónu­veirunnar myndi lík­lega hægja á efna­hags­þróun til skamms tíma. Auk þess nefndi bank­inn að minni hag­vöxtur í Banda­ríkj­unum og Kína myndi hafa nei­kvæð áhrif á eft­ir­spurn eftir útflutn­ings­vörum þró­un­ar­ríkja og að fram­boðs­trufl­anir og verð­bólga gætu reynst þrá­lát.

Ójöfn­uður gæti auk­ist

Hæg­ari hag­vöxtur mun eiga sér stað sam­hliða frek­ari gliðnun í hag­vexti á milli iðn­ríkja og þró­un­ar­ríkja, segir í frétta­til­kynn­ingu frá Alþjóða­bank­anum. Því er spáð að hag­kerfi iðn­ríkja muni vaxa nægi­lega til að ná sér að fullu efna­hags­lega á næsta ári, en að hag­kerfi þró­un­ar­ríkja verði enn 4 pró­sentum minni en þau hefðu verið ef far­ald­ur­inn hefði ekki skollið á.

Sömu­leiðis nefnir bank­inn að vax­andi verð­bólga, sem bitnar verst á tekju­lág­um, muni hefta getu stjórn­valda til að bregð­ast við ástand­inu. Sam­kvæmt honum hafa mörg þró­un­ar- og nýmark­aðs­ríki þurft að draga úr opin­berum efna­hags­að­gerðum gegn áhrifum far­ald­urs­ins löngu áður en efna­hags­lífið hefur náð sér á strik til að halda verð­bólgu­þrýst­ingnum í lág­marki.