Neyð­ar­kall hefur borist frá sökkvandi báti í Mið­jarð­ar­haf­inu, en um borð eru 300 flótta­menn. Að sögn Al­þjóða­stofn­unar um ­fólks­flutn­inga (IOM) eru minnst 20 látn­ir. Sam­kvæmt neyð­ar­kall­inu sem IOM barst fyrir skömmu síðan eru þrír bátar í vanda á svæð­inu.

Stór­slys varð í Mið­jarð­ar­haf­inu um helg­ina þegar bát með fjölda flótta­manna um borð hvolfdi. Talið er að á bil­inu 700 til 950 manns hafi verið um borð í bátnum og flestir drukkn­uðu.

Ráð­herrar Evr­ópu­sam­bands­ríkj­anna funda um mál­efni flótta­manna seinna í dag í Lúx­em­borg vegna slyss­ins um helg­ina. Feder­ica Mog­her­ini, yfir­maður utan­rík­is­mála hjá ESB, hefur sagt að Evr­ópa hafi sið­ferð­is­legum skyldum að gegna gagn­vart flótta­mönnum sem leggja sig í mikla hættu við að kom­ast til Evr­ópu. "Mið­jarð­ar­hafið er okkar haf og við þurfum að grípa til aðgerða sam­an. Það er líka í okkar þágu, okkar trú­verð­ug­leika; Evr­ópu­sam­bandið var stofnað og grund­vall­ast á vernd mann­rétt­inda, og virð­ingu fyrir manns­lífum - við þurfum að vera sam­kvæmt sjálfum okk­ur.“

Evr­ópu­sam­bandið hefur und­an­farið dregið úr aðgerðum sínum á Mið­jarð­ar­hafi, en gríð­ar­legur fjöldi fólks reynir að kom­ast frá Afr­íku­ríkjum yfir til Ítalíu og Möltu.