Ásdís Halla Braga­dóttir hefur verið ráðin verk­efn­is­stjóri við und­ir­bún­ing nýs vís­inda-, iðn­að­ar- og nýsköp­un­ar­ráðu­neyt­is, en frá þessu er greint í til­kynn­ingu á vef stjórn­ar­ráðs­ins.

Þar segir að hún komi til með að starfa hjá mennta- og menn­ing­ar­mála­ráðu­neyti en vinna náið með öðrum starfs­mönnum stjórn­ar­ráðs­ins að þessu verk­efni.

Á meðal verk­efna verður meðal ann­ars að móta skipu­lag aðal­skrif­stofu nýs ráðu­neytis og skipt­ingu þess í fag­skrif­stof­ur, en vís­inda-, iðn­að­ar- og nýsköp­un­ar­ráðu­neytið er annað tveggja glæ­nýrra ráðu­neyta sem stjórn Vinstri grænna, Fram­sóknar og Sjálf­stæð­is­flokks kom sér saman um að skapa.

Hitt ráðu­neytið er nýtt ferða­mála-, við­skipta- og menn­ing­ar­ráðu­neyti sem Lilja Alfreðs­dóttir mun stýra, en auk þess fær­ast fjöl­margir mála­flokkar á milli ráðu­neyta.

Í til­kynn­ingu stjórn­ar­ráðs­ins segir að Ásdís Halla hafi fjöl­þætta reynslu úr bæði stjórn­sýslu og atvinnu­lífi. Hún er með meistara­gráðu í opin­berri stjórn­sýslu frá Harvar­d-há­skóla og MBA-gráðu frá Háskól­anum í Reykja­vík.

Hún hefur verið bæj­ar­stjóri í Garða­bæ, aðstoð­ar­maður Björns Bjarna­sonar mennta­mála­ráð­herra Sjálf­stæð­is­flokks­ins og sat í einnig í háskóla­ráði HR. Síð­ustu ár hefur hún svo komið að stofnun og rekstri fyr­ir­tækja í heil­brigð­is- og vel­ferð­ar­þjón­ustu ásamt því að sinna rit­störf­um.