„Vextir eru ein­fald­lega verðið á pen­ing­um, þeir eru verðið sem þú þarft að borga til að fá pen­ing lán­að­an. Eins ef þú leggur pen­ing inn á banka­bók, þá ertu að lána bank­anum pen­inga, þá færð þú borg­aða vexti af pen­ing­unum sem þú leggur inn,“ sagði Ásgeir Brynjar Torfa­son, lektor við Háskóla Íslands, í sjötta þætti Ferðar til fjár sem sýndir voru á RÚV og eru aðgengi­legir hér.

Vöffin þrjú voru til umfjöll­unar í þætt­in­um, það eru verð­bólga, verð­trygg­ing og vext­ir.

Helgi Selj­an, annar umsjón­ar­manna þátt­anna, spurði Ásgeir Brynjar hvers vegna hann fái lægri vexti frá bank­anum heldur en hann greiðir þegar hann tekur lán hjá bank­an­um. Mun­ur­inn á inn­láns- og útláns­vöxtum rennur til bank­ans sem þarf að reka sig, sagði Ásgeir Brynj­ar. „Síðan er mis­mun­andi áhætta á lán­un­um. Til dæmis þarftu að borga hærri vexti af bíla­lán­inu en hús­næð­is­lán­inu vegna þess að það eru betri veð að baki hús­næð­is­lán­in­u,“ skýrði hann. Eftir því sem lánið er örugg­ara fyrir bank­ann, því lægri eru vext­irn­ir.