Upp­still­ing­ar­nefnd Við­reisnar bauð Bene­dikt Jóhann­essyni, fyrr­ver­andi for­manni flokks­ins, neðsta sæti á lista á höf­uð­borg­ar­svæð­inu og hefur hann afþakkað það. Þetta kemur fram í stöðu­upp­færslu á Face­book-­síðu hans í dag.

Bene­dikt sótt­ist eftir því síð­ast­liðið haust að leiða lista í ein­hverju kjör­dæm­inu á Suð­vest­ur­horn­inu í kom­andi þing­kosn­ing­um. Í færslu sinni á Face­book segir hann að fljót­lega hafi orðið ljóst að fleiri vildu sitja í efstu sætum en sætin voru.

„Ég taldi að í flokki sem legði áherslu á opið og gagn­sætt ferli væri eðli­leg­ast að efna til próf­kjörs, þegar margir sækt­ust eftir að leiða lista. Ég lagði það til. Reykja­vík­ur­ráð flokks­ins valdi annan kost og upp­still­ing­ar­nefnd val­in. Hún hefur verið að störfum frá því í byrjun febr­ú­ar,“ skrifar hann.

Ein­róma nið­ur­staða nefnd­ar­innar að bjóða Bene­dikt neðsta sæti list­ans

Greinir Bene­dikt frá því að Þor­steinn Páls­son, for­maður upp­still­ing­ar­nefnd­ar, hafi beðið hann að hitta sig síð­ast­lið­inn þriðju­dag.

„Á fundi okkar sagði hann mér, að það væri ein­róma nið­ur­staða nefnd­ar­innar að bjóða mér neðsta sæti list­ans. Af aug­ljósum ástæðum afþakk­aði ég það.

Þar með er útséð um að ég verði í fram­boði fyrir Við­reisn að þessu sinni, en ég held áfram í póli­tík og styð nú sem fyrr grunn­stefnu Við­reisn­ar, enda hygg ég að ég hafi skrifað megnið af henni. Sjaldan hefur verið brýnni þörf fyrir ein­beitta, frjáls­lynda rödd í sam­fé­lag­inu og ég mun ekki láta mitt eftir liggja,“ skrifar hann að lok­um.