Brynjar Níels­son, þing­maður Sjálf­stæð­is­flokks­ins fyrir Reykja­vík­ur­kjör­dæmi suð­ur, býður sig fram í 2. sætið í próf­kjöri Sjálf­stæð­is­flokks­ins í Reykja­vík. Frá þessu greinir hann á Face­book-­síðu sinni í dag en hann seg­ist stefna á að verða í fram­varða­sveit flokks­ins í Reykja­vík. „Hug­myndir mínar og grund­vall­araf­staða til þess hvernig þjóð­fé­lagið á að þró­ast fara mjög vel saman við stefnu Sjálf­stæð­is­flokks­ins Bjarg­föst er trú mín á ein­stak­ling­inn, dugnað hans, áræðni og sköp­un­ar­kraft. Við þurfum að skapa umhverfi til að atvinnu­lífið getið notið krafts­ins sem býr í ein­stak­lingnum og þannig skapað vel­ferð sem allir njót­i,“ skrifar hann.

Þá telur Brynjar að Sjálf­stæð­is­flokk­ur­inn eigi sókn­ar­færi í kom­andi kosn­ing­um. „Við sjálf­stæð­is­menn verðum að tala fyrir stefn­unni sem bygg­ist á okkar póli­tísku sýn og forð­ast að fest­ast í dæg­ur­um­ræðu og skyndi­lausn­um. Tölum skýrt, komum hreint fram og sýnum kjark og þor.“

Skorar hann að end­ingu á fólk sem vill hafa áhrif á upp­still­ingu á lista sjálf­stæð­is­manna í Reykja­vík að taka þátt í próf­kjör­inu. „Einnig vil ég skora á sem flesta að bjóða sig fram. Margir öfl­ugir fram­bjóð­endur og góð þátt­taka mun styrkja flokk­inn fyrir kom­andi kosn­ingar í haust.“