„Ég hef unnið með þeim öllum og þekki mörg hver orðið býsna vel. Þess vegna veit ég af eigin raun að þau geta unnið undir álagi, þau virða skoð­anir ann­arra og þau eru heið­ar­legt fólk sem maður getur treyst,“ segir Bjarni Bene­dikts­son fjár­mála­ráð­herra um aðra stjórn­mála­leið­toga lands­ins, í til­efni af skoð­ana­könnun MMR á per­sónu­eig­in­leikum stjórn­mála­leið­toga lands­ins.

Bjarni skrifar um könn­un­ina á Face­book í kvöld þar sem hann spyr hvort hægt sé að mæla heið­ar­leika fólks með skoð­ana­könn­un. Hann segir könn­un­ina til­valda til að aug­lýsa MMR og til þess sé leik­ur­inn vænt­an­lega gerð­ur. „En um leið spyr maður sig hvort eng­inn telji þörf á að beita gagn­rýn­inni hugsun þegar svona lagað er birt. Erum við virki­lega í svo slæmum málum að það sé óþarfi að efast þegar „stjórn­mála­stétt­in“ fær fall­ein­kunn?“

„Þar sem það er ekk­ert offram­boð á fólki til að taka upp hansk­ann fyrir stjórn­mála­menn ætla ég að gera það sjálf­ur,“ segir Bjarni.

Hann segir margar spurn­ingar vakna við lestur könn­un­ar­inn­ar. „Ein þeirra er: Hvernig er hægt að halda því fram að ein­stak­lingar sem hafa sjálfir stofnað stjórn­mála­flokk og hlotið kosn­ingu á þing ásamt fjölda þing­manna séu ekki leið­tog­ar, hvort sem þeir hafi fæðst sem slíkir eða ekki. Og hvað er átt við með þeirri spurn­ingu - að vera fæddur leið­togi? Hvernig fer sú mæl­ing fram og hvenær, nákvæm­lega?

En það er kannski ekki nema von að ég átti mig ekki á þessu öllu sam­an, enda eru víst 95% sem telja að ég sé ekki í neinum tengslum við almenn­ing,“ skrifar Bjarni.