Bjarni Bene­dikts­son fjár­mála- og efna­hags­ráð­herra segir að hjúkr­un­ar­fræð­ingar krefj­ist 40 til 50 pró­senta launa­hækk­anna en ríkið hafi boðið þeim um það bil 20 pró­senta hækkun á næstu árum. Þetta kom fram í svari Bjarna við óund­ir­bú­inni fyr­ir­spurn Árna Páls Árna­son­ar, for­manns Sam­fylk­ing­ar­inn­ar, um kjara­deil­urnar á þingi í dag.

„Það eru kröf­urnar sem menn standa frammi fyr­ir, að ofan á þær almennu launa­hækk­anir [...] verði bætt fyrir gliðnun upp á 14 til 25 pró­sent á næstu þremur árum,“ sagði Bjarni, og bætti því við að því væri krafan nærri því að vera 40 til 50 pró­senta hækk­un.

„Í þessu til­tekna máli, ef menn vilja vita það, þá hefur ríkið boðið um það bil 20 pró­senta hækkun á næstu árum til hjúkr­un­ar­fræð­inga. Ég get full­yrt það að laun hjúkr­un­ar­fræð­inga á Norð­ur­lönd­unum eru ekki að fara að hækka um þær fjár­hæðir en það er langt í land með að jafna kjörin en það ger­ist ekki í einum samn­ing­i.“  Hann sagði hægt að bjóða veru­legar kjara­bætur og meiri stöð­ug­leika, „en það er ekki hægt að fall­ast á allar kröf­ur.“