Bjarni Bene­dikts­son fjár­mála­ráð­herra vill að gerðar verði breyt­ingar á þing­sköpum Alþingis til þess að „gera starf þings­ins skil­virkara og auka afköst.“ Hann vill að þingið hug­leiði að auka völd for­seta til að stjórna þing­störfum og mál fái ákveð­inn tak­mark­aðan tíma til umræðu. Hann vill einnig að mál sem ekki er lokið á einu þingi lifi áfram á næsta þingi innan kjör­tíma­bils.

Bjarni gerir þetta að umtals­efni á Face­book-­síðu sinni í dag og seg­ist eftir ára­tugs­starf á Alþingi vera sann­færður um að gera þurfi veru­legar umbæt­ur.

„Við þurfum að horfast í augu við að núgild­andi reglur bjóða heim hætt­unni á að þegar ágrein­ingur ríkir um mál leys­ist þingið upp í opinn vett­vang fyrir rifr­ildi sem engu skilar fyrir sam­fé­lag­ið. Það leiðir aftur til þess að dregur úr virð­ingu fyrir þing­stör­f­un­um,“ segir Bjarni. „Menn mala fram á nótt, taka marga þingdaga í að ræða til­tölu­lega ein­föld mál til að styrkja stöðu sína þegar dregur nær þing­lok­um. Við erum í þessum sporun í dag. Einu sinni enn.“ 

Bjarni seg­ist ekki vera að saka stjórn­ar­and­stöð­una um að gera nokkuð annað en hann hefði mögu­lega gert sjálfur í stjórn­ar­and­stöðu við sömu aðstæð­ur. Þetta gangi hins vegar ekki leng­ur.

„Með þessum breyt­ingum myndum við færa þing­störfin nær því sem ger­ist víð­ast í kringum okk­ur. Það er ekk­ert eðli­legt við fyr­ir­komu­lag sem hefur hvata til að tefja og draga afgreiðslu allra mála þannig að semja þurfi að vori um þau mál sem ,,má" greiða atkvæði um. Önnur falli nið­ur.“ Bjarni segir að nú sé lag að breyta reglum þings­ins og láta breyt­ing­arnar gilda langt fram í tím­ann.