Björg­vin Páll Gúst­afs­son, lands­liðs­mark­vörður í hand­bolta, er hættur við að sækj­ast eftir sæti á lista Fram­sókn­ar­flokks­ins í Reykja­vík fyrir kom­andi borg­ar­stjórn­ar­kosn­ing­ar. 

Í stöðu­upp­færslu á Face­book seg­ist hann ein­fald­lega hafa skipt um skoð­un. „Þrátt fyrir að stuðn­ing­ur­inn sé mik­ill innan úr flokkn­um, þá er mik­il­vægt að hafa það í huga að þegar maður er á leið­inni á úti­völl þá þarf maður að hafa allt liðið á bak­við sig. Með þess­ari ákvörðun vil ég hjálpa þeim sem mun leiða flokk­inn í sinni vinnu. Þetta hefur verið sturl­aður til­finn­inga­rús­sí­bani sem að hefur styrkt vilja minn til þess að setja börnin í 1. sæti enn frek­ar. Ég styrk­ist einnig í þeirri trú minni að það sé minn til­gangur að vera fyr­ir­mynd og hjálpa öllum að líða bet­ur. Ég mun á næstu dögum setja ork­una í vera fyrir boltum og hjálpa börn­unum mínum að líða vel.“

Björgvin Páll greindi frá því í stöðu­upp­færslu á Face­book snemma í febr­úar að hann myndi sækj­ast eftir 1.-2. sæti á lista Fram­sókn­ar­flokks­ins mun stilla upp lista fyrir kom­andi kosn­ing­ar. Hann nefndi það sér­stak­lega að hann vildi taka taka ábyrgð á því að gæta vel­­ferðar barna og ann­­arra við­­kvæmra hópa í sam­­fé­lag­inu.

Fram­­sókn­­ar­­flokk­­ur­inn reið ekki feitum hesti frá síð­­­ustu borg­­ar­­stjórn­­­ar­­kosn­­ing­­um. Hann fékk ein­ungis 3,2 pró­­­sent atkvæða og náði ekki inn manni í Reykja­vík. 

Nokkrum dögum eftir að Björg­vin Páll birti færslu sína sagði Einar Þor­steins­son, fyrr­ver­andi frétta­maður og stjórn­andi Kast­ljóss á RÚV, að hann hefði fengið fjölda­margar hvatn­ingar til að fara fram fyrir Fram­sókn­ar­flokk­inn í Reykja­vík og að hann væri að íhuga það alvar­lega. 

Einar hefur ekki starfað innan Fram­­sókn­­ar­­flokks­ins áður en eig­in­­kona hans, Milla Ósk Magn­ús­dótt­ir, er aðstoð­­ar­­maður Will­ums Þórs Þór­s­­sonar heil­brigð­is­ráð­herra og þing­­manns Fram­­sókn­­ar­­flokks­ins. Einar var for­­maður félags ungra sjálf­­stæð­is­­manna í Kópa­vogi á árum áður og var sterk­­lega orð­aður við fram­­boð fyrir þann flokk í Kópa­vogi fyrir skemmstu. Einar og Milla settu hins vegar heim­ili sitt í Kópa­vogi á sölu nokkrum dögum fyrir yfir­lýs­ing­una og boð­uðu flutn­inga í Selja­hverfið í Reykja­vík.