Björg­vin Páll Gúst­avs­son hand­bolta­mark­vörður hefur stað­fest að hann sæk­ist eftir 1.-2. sæti á lista Fram­sókn­ar­flokks­ins í Reykja­vík fyrir kom­andi borg­ar­stjórn­ar­kosn­ing­ar. Flokk­ur­inn, sem á engan borg­ar­full­trúa í dag, kemur til með að stilla upp á lista fyrir kom­andi kosn­ingar í borg­inn­i.

Björg­vin Páll segir í færslu á Face­book í dag að honum langi að taka ábyrgð á því að gæta vel­ferðar barna og ann­arra við­kvæmra hópa í sam­fé­lag­inu.

„Börn eru ekki með kosn­inga­rétt og þeim sem stjórna er falið mjög mik­il­vægt hlut­verk sem snýr að vel­ferð barna. Það má gera betur þegar kemur að því að for­gangs­raða rétt­indum og vel­ferð barna með sýni­legri stefnu­mótun og ákvörð­un­ar­töku. Það er kom­inn tími á að við jöfnum leik­inn og að allir fái jöfn tæki­færi. Íþrótt­irnar björg­uðu mér og er það minn draumur að heyra fleiri og fleiri börn segja að skól­inn hafi bjargað þeim. Með þeirri ákvörðun að fara í fram­boð er ég að fylgja hjart­anu og minni ástríð­u,“ segir í færslu Björg­vins Páls í dag.

Það vakti mikla athygli í síð­ustu viku er Björg­vin Páll greindi frá því að hann hefði verið hvattur í fram­boð og væri að máta sig borg­ar­stjóra­stjól­inn.

Í færslu sinni í dag seg­ist Björg­vin Páll hafa not­ast við orðið „borg­ar­stjóra­efni“ til þess að gera fólki grein fyrir þeirri trú sem hann hafi á Fram­sókn fyrir kom­andi kosn­ingar í borg­inni.

Seg­ist hann vilja „vera hluti af þeirri veg­ferð, hvort sem það væri að leiða flokk­inn eða í öðru sæti á lista. Ég tel að í hvoru sæt­inu sem er geti ég orðið sá leið­togi innan kerf­is­ins sem að ég tel að borgin og börnin þurfi á að halda. Börnin okkar eiga að fá hásætið næstu 4 árin og við þurfum öll að taka þátt í að hlúa að þeim,“ skrifar Björg­vin Páll.