Björn Þorfinnsson ráðinn ritstjóri DV

Blaðamaðurinn Björn Þorfinnson hefur tekið við starfi ritstjóra DV. Tobba Marinós lét nýverið af störfum sem ritstjóri miðilsins, sem er hættur að koma út á pappír.

DV hefur ráðið nýjan ritstjóra til starfa.
DV hefur ráðið nýjan ritstjóra til starfa.
Auglýsing

Blaðamaðurinn og skákmaðurinn Björn Þorfinnsson hefur verið ráðinn nýr ritstjóri DV, en frá þessu er greint í frétt miðilsins í dag. Hann tekur við starfinu af Tobbu Marinósdóttur, sem tilkynnti í marsmánuði að hún ætlaði að hverfa til annarra starfa.

Björn Þorfinnsson er nýr ritstjóri DV.

Björn var síðast blaðamaður á Fréttablaðinu, en lauk störfum þar fyrr á þessu ári. Áður hafði hann verið blaðamaður á DV frá árinu 2015 og gegnt stöðu fréttastjóra hjá miðlinum. Hann hefur sömuleiðis verið forseti Skáksambands Íslands.

„Ég ólst upp sem blaðamaður á DV og þykir afar vænt um þennan miðil. Ég er því afar spenntur að fá tækifæri til að móta stefnu og ásýnd DV til framtíðar og vinna með því öfluga fólki sem starfar á miðlinum í dag,“ er haft eftir Birni í frétt DV um ráðninguna.

„Það er mikill akkur fyrir DV að fá Björn Þorfinnsson til starfa. Það er einnig ánægjulegt að hann skuli aftur vera genginn í raðir starfsmanna Torgs. Með ráðningu hans mun DV halda áfram að sækja fram, hvoru tveggja sem frétta- og afþreyingarmiðill“, er haft eftir Birni Víglundssyni forstjóra Torgs, í frétt miðilsins.

Auglýsing

Frjáls fjölmiðlun ehf., sem þá var útgáfufélag DV, var sameinað Torgi, eiganda Fréttablaðsins og Hringbrautar í mars árið 2020. Miðillinn er hættur að koma út á prenti, hið minnsta tímabundið.

Vefmiðillinn dv.is er sá þriðji mest lesni hér á landi og eru það einungis Vísir og mbl.is sem standa honum framar er kemur að fjölda daglegra notenda, samkvæmt vefmælingum Gallup.

„Aðsóknin á dv.is er gríðarleg og því er um að ræða ótrúlega sterkan vettvang til þess að koma á framfæri fréttum og sögum fólks sem eiga erindi við samfélagið og hrista jafnvel upp í því. Mitt helsta markmið að freista þess að styrkja fréttahluta miðilsins enn frekar og bjóða lesendum upp á góða blöndu af fréttum og afþreyingarefni,“ er haft eftir nýja ritstjóranum í frétt DV.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Radíó Efling
Radíó Efling
Radíó Efling – Heimsmet í skerðingum
Kjarninn 25. júní 2021
Þórður Snær Júlíusson
Áframhaldandi tilfærsla á peningum úr ríkissjóði til þeirra sem hafa það best
Kjarninn 25. júní 2021
Lilja D. Alfreðsdóttir, mennta- og menningarmálaráðherra.
Viðbrögð borgaryfirvalda voru til skoðunar hjá ráðuneytinu
Mennta- og menningarmálaráðuneytið var með viðbrögð borgaryfirvalda varðandi plássleysi í sérdeildum grunnskóla borgarinnar til skoðunar. Reykjavíkurborg hefur nú mál einhverfra nemenda til úrlausnar og hefur þegar leyst mörg þeirra, samkvæmt ráðuneytinu.
Kjarninn 25. júní 2021
Mesta aukning atvinnuleysis á Norðurlöndunum
Atvinnuleysi hefur aukist um þrefalt meira hér á landi en á hinum Norðurlöndunum á síðustu tveimur ársfjórðungum, miðað við sama tímabil árið á undan, samkvæmt tölum úr vinnumarkaðskönnun landanna.
Kjarninn 24. júní 2021
Sektað vegna grímuskyldu í Ásmundarsal
Eigendur Ásmundarsalar hafa sent frá sér tilkynningu vegna máls sem kom upp á Þorláksmessu í fyrra er varðar brot á grímuskyldu. Lögreglan neitaði að greina frá niðurstöðunni fyrr í dag.
Kjarninn 24. júní 2021
Eva Dögg Davíðsdóttir
Hringrásarhagkerfið – hvar stöndum við?
Kjarninn 24. júní 2021
Saga Japans
Saga Japans
Saga Japans – 39. þáttur: Veiðiferð sjógunsins I
Kjarninn 24. júní 2021
Bjarni Benediktsson, fjármála- og efnahagsráðherra og formaður Sjálfstæðisflokksins, var á meðal gesta í samkvæminu í Ásmundarsal.
Lögreglan neitar að upplýsa um niðurstöðuna í Ásmundarsalar-málinu
Lögreglan hóf sjálf hið svokallaða Ásmundarsalar-mál með því að greina frá því að ráðherra, sem síðar var opinberað að væri Bjarni Benediktsson, hefði verið í ólögmætu samkvæmi á Þorláksmessu. Nú neitar lögreglan að upplýsa um niðurstöðuna í málinu.
Kjarninn 24. júní 2021
Meira úr sama flokkiInnlent