Blóðugur slagur kvikmyndarisanna um James Bond framundan

h_51809725-1.jpg
Auglýsing

Nýjasta kvik­myndin um ævin­týri James Bond, Spectre, verður frum­sýnd á heims­vísu í nóv­em­ber­mán­uði næst­kom­and­i. Bíó­myndin verður sú 24. í röð­inni, sem er í sjálfu sér ekki í frá­sögu fær­andi, nema fyrir þær sakir að á sama tíma og hún verður frum­sýnd fellur úr gildi samn­ingur Sony Pict­ures við Metro Gold­wyn Mayer frá árinu 2006 um dreif­ingu kvik­mynd­anna um helsta njó­sn­ara hennar hátign­ar.

Sony Pict­ures leggur allt kapp á að ná nýjum samn­ingi við MGM um dreif­ingu James Bond mynd­anna, og þá sér­stak­lega eftir erfitt tíma­bil frá því í nóv­em­ber­mán­uði síð­ast­liðnum eða síð­an ­tölvu­þrjótar brut­ust inn í tölvu­kerfi kvik­mynda­fyr­ir­tæk­is­ins í tengslum við fyr­ir­hug­aða frum­sýn­ingu á kvik­mynd­inni The Interview. Eins og flestir eflaust vita er gert stólpa­grín að Kin Jung-Un, leið­toga Norð­ur­-Kóreu, í kvik­mynd­inni, en talið er að tölvu­árásin á Sony hafi verið fyrir til­stuðlan yfir­valda í Norð­ur­-Kóreu.

„Auð­vitað munum við bjóða í dreif­inga­rétt­inn, en það munu líka allir aðrir ger­a,“ segir Tom Rot­hman, stjórn­ar­for­maður Sony Pict­ures, í sam­tali við frétta­mið­il­inn Vari­ety. „Stað­reyndin er sú að Sony hefur gengið sér­lega vel að vinna með Bond.“

Auglýsing

Gengið vel síð­ustu ár eftir mögur ár á undan



Stjórn­ar­for­maður Sony hefur nokkuð til síns máls. Eftir heldur mag­urt tíma­bil árin 1995 til 2002, eða á meðan hinn til­þrifa­litli Pierce Brosnan gegndi hlut­verki Bond, hefur vöru­merkið aftur risið til hæstu hæða, eða allt frá því að Sony tók við. Síð­asta James Bond mynd­in, sem skart­aði Pierce Brosnan í aðal­hlut­verk­inu, Die Another Day, þén­aði til að mynda 431 milljón banda­ríkja­dali árið 2002. Casino Royale, sem frum­sýnd var árið 2006, með Daniel Craig í broddi fylk­ing­ar, skilað um 600 millj­ónum banda­ríkja­dölum í kass­ann. Quantum of Solace, sem var frum­sýnd árið 2008, þén­aði litlu minna eða hátt í 590 millj­ónum dala.

Fyrir utan það að síð­ustu bíó­mynd­irnar um breska njósn­ar­ann hafa verið mun betri en fyr­ir­renn­arar þeirra, að minnsta kosti síð­ast­liðin ár, hefur Sony þótt takast ein­stak­lega vel upp við mark­aðs­setn­ingu á þeim.

Aðdáendur kvikmyndanna um James Bond bíða spenntir eftir að berja nýjustu myndina um njósnarann augum. Aðdá­endur kvik­mynd­anna um James Bond bíða spenntir eftir að berja nýj­ustu mynd­ina um njósn­ar­ann aug­um.

Síð­asta bíó­myndin um breska njósn­ar­ann 007 er hins vegar aðsókn­ar­mesta Bond kvik­mynd sög­unn­ar. Sky­fall skil­aði hvorki meira né minna en 1,1 millj­arði banda­ríkja­dala á heims­vísu í kass­ann. Reiknað er með að nýjasta myndin um James Bond, Spectre, sem er sömu­leiðis í leik­stjórn Sam Mendes, muni sömu­leiðis raka inn seðl­unum en spár gera ráð fyrir að myndin muni líka brjóta eins millj­arða múr­inn.

Talið lík­leg­ast að Warner Bros. hreppi hnossið



Hvort Sony Pict­ures ná að tryggja sér áfram­hald­andi sam­starf við Bond skal ósagt lát­ið. Í Hollywood er hins vegar slúðrað um að Warner Bros. ­kvik­mynda­fyr­ir­tækið sé lík­leg­ast til að hreppa hnoss­ið. Þar er talin spila inn í vin­átta Gary Bar­ber, for­stjóra MGM, og Kevin Tsu­ji­hara, stjórn­ar­for­manns Warner Bros. Þá hafa kvik­mynda­verin unnið sam­eig­in­lega að stórum verk­efnum und­an­far­ið, og nægir þar að nefna þrí­leik­inn um Hobbit­ann, sem rak­aði inn þremur millj­örðum banda­ríkja­dala á heims­vísu.

Missi Sony Pict­ures dreif­inga­rétt­inn gæti kvik­mynda­fyr­ir­tækið verið í vand­ræð­um. Síð­asta kvik­myndin um Spider-Man stóðst engan veg­inn vænt­ingar fyr­ir­tæk­is­ins um miða­sölu og fékk slæma útreið hjá kvik­mynda­gagn­rýnend­um. Vöru­merkið um Lóa er því í vand­ræð­um, en Sony hefur líka alltaf getað stólað sig á væna fúlgu í tengslum við James Bond. Það gæti hins vegar breyst í nóv­em­ber, það er að segja ef Bond fer ann­að.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ástþrúður Kristín Jónsdóttir
Lífeyrisþegi styrkir bótaþega
Kjarninn 25. september 2021
Indriði H. Þorláksson
Hvern á að kjósa?
Kjarninn 25. september 2021
Hvernig rættust kosningaspárnar árin 2016 og 2017?
Kjarninn setur nú fram kosningaspá fyrir alþingiskosningar í samstarfi við Baldur Héðinsson í þriðja sinn, en spáin gefur fyrirliggjandi könnunum vægi samkvæmt reikniformúlu Baldurs. Hvernig hefur spáin gengið eftir í fyrri tvö skiptin?
Kjarninn 25. september 2021
Ívar Ingimarsson
Reykjavík er náttúrulega best
Kjarninn 25. september 2021
Magnús Hrafn Magnússon
Hver á lag?
Kjarninn 25. september 2021
Bækur Enid Blyton hafa hafa selst í rúmlega 600 milljónum eintaka og verið þýddar á meira en 90 tungumál.
762 bækur
Útlendingar, svertingjar, framandi, sígaunar. Stela, hóta, svíkja, lemja. Vesalingar og ómerkilegir aumingjar. Þetta orðfæri þykir ekki góð latína í dag, en konan sem notaði þessi orð er einn mest lesni höfundur sögunnar. Enid Blyton.
Kjarninn 25. september 2021
Lokaspá: Líkur frambjóðenda á að komast inn á Alþingi
Kjarninn birtir síðustu þingmannaspá sína í aðdraganda kosninga. Ljóst er að margir frambjóðendur eiga fyrir höndum langar nætur til að sjá hvort þeir nái inn eða ekki og töluverðar sviptingar hafa orðið á líkum ýmissa frá byrjun viku.
Kjarninn 25. september 2021
Lokaspá: Meiri líkur en minni á að ríkisstjórnin haldi velli
Samkvæmt síðustu kosningaspánni mun Framsóknarflokkurinn verða í lykilstöðu í fyrramálið þegar kemur að myndun ríkisstjórnar, og endurheimtir þar með það hlutverk sem flokkurinn hefur sögulega haft í íslenskum stjórnmálum.
Kjarninn 25. september 2021
Meira úr sama flokkiErlent
None