Bankaskandalar í Bret­landi, það er greiðslur vegna lög­brota banka til rík­is­ins og við­skipta­vina, hafa þurrkað út um 60 pró­sent af hagn­aði þeirra frá árinu 2011. Þetta kemur fram í skýrslu KPMG, sem nefn­ist A Para­dox of Forces, sem Business Insider vitnar til.

Bank­arnir Royal Bank of Scotland, Lloyds Bank­ing Group, HSBC, Barclays og Stand­ard Chartered hafa greitt sam­tals 57,6 millj­arða Banda­ríkja­dala vegna lög­brota og sátta­greiðslna frá árinu 2011.

Í skýrslu KPMG segir að þessar háu greiðslur séu farnar að hafa mikil áhrif á rekstur bank­anna, ekki síst þar sem ekki sér fyrir end­ann á því að greiðsl­urnar muni hækka enn meira, þar sem fjöl­mörg lög­brot hafa ekki verið til lykta leidd í dóms­kerfi eða sátt­ferli enn­þá.

Bill Micheal, yfir­maður fjár­mála­ráð­gjafar KPMG, segir að bankar séu nú að fara í gegnum gríð­ar­lega hraðar og miklar breyt­ing­ar, þar sem eft­ir­lits­starf­inu hefur verið breytt, tækn­inni fleytir fram og vænt­ingar til fjár­mála­starfs­semi í sam­fé­lag­inu væru að breyt­ast mik­ið. Hann segir breyt­ingar sem þessar aðeins koma einu sinni í lífs­leið­inni, svo miklar séu þær.