Líkt og Kjarn­inn greindi frá í gær þá ákvað Taylor Swift, stærsta popp­stjarna sam­tím­ans, að láta fjar­lægja allar plötur sem hún hefur gefið út af tón­list­ar­veit­unni Spoti­fy. Sú aðgerð er gríð­ar­legt áfall fyrir Spotify enda Swift á meðal vin­sæl­ustu lista­manna hjá tugum millj­óna not­enda sem borga mán­að­ar­lega fyrir aðgang að veit­unni.

Nú greinir Business Insider frá því að ástæðan fyrir því að plötur Swift eru ekki lengur aðgengi­legar á Spotify sé sú að Scott Borchetta, aðal­eig­andi og for­stjóri útgáfu­fyr­ir­tækis Swift, The Big Machine Label Group, sé að reyna að selja fyr­ir­tækið sitt. Borchetta vill fá um 200 millj­ónir dali, um 24,4 millj­arða króna, og er víst þeirrar skoð­unar að vænt­an­legir kaup­endur muni ein­ungis horfa til þess hversu margar plötur fyr­ir­tækið selji þegar þeir taka afstöðu til verð­mið­ans. Sam­kvæmt frétt Business Insider er hann þeirrar skoð­unar að spil­anir laga á Spotify muni ekki hafa nein telj­andi áhrif á kaup­verð­ið.

Þetta er við­mótið sem mætir not­endum Spotify þegar þeir reyna að spila plötur og lög Taylor Swift.

Virkar til skamms tíma, veldur skaða til langs tíma

Því er Borchetta að fjar­lægja tón­list Swift til að skapa skort á tón­list Swift og þar með ýta áhan­gendum hennar í átt að því að kaupa nýj­ustu plötu hennar 1989, sem kom út í síð­ustu viku, annað hvort á geisla­disk eða í gegnum nið­ur­hal á síðum á borð við iTu­nes, sem skilar meiru í vas­ann en hlust­anir á Spoti­fy.

Til skamms tíma virð­ist aðgerð­ar­fræðin vera að virka. Talið er að ný plata Swift hafi selst í 1,3 millj­ónum ein­taka fyrstu helg­ina eftir að hún kom út. Reyn­ist það rétt er um að ræða mestu sölu á plötu á einni helgi í Banda­ríkj­unum frá árinu 2002, sem er ári áður en iTu­nes varð til og ger­bylti tón­list­ar­geir­an­um.

Uni­ver­sal Music Group, sem sér um dref­ingu á tón­list Swift fyrir útgáfu­fyr­ir­tæki Borchetta, hefur reynt mikið að fá hann til að skipta um skoðun og telur nálgun hans vera mjög gam­al­dags. Til lengri tíma muni hún líka hafa nei­kvæð áhrif á vin­sældir Swift, sem er gríð­ar­lega vin­sæl á Spoti­fy. Fjórði hver not­andi tón­list­ar­veit­unnar hefur streymt lagi eftir hana og lög hennar eru á um 20 milljón spil­un­ar­list­um.