Popp­stjarnan Taylor Swift, sem er á meðan vin­sæl­ustu tón­list­ar­manna í heimi í dag, setti ekki nýj­ustu plöt­una sína, sem kall­ast eftir fæð­ing­ar­ári hennar 1989, á tón­list­ar­veit­una Spoti­fy. Auk þess stað­festi tals­maður Spotify í sam­tali við Business Insider að Swift hafi látið fjar­lægja allar plötur sem hún hefur gefið út af veit­unni. Aðdá­endur hennar munu því þurfa að leita ann­arra leiða til að hlusta á tón­list Swift en að greiða mán­að­ar­lega áskrift af Spoti­fy.

Ein króna af hverri spilun

Tón­list­ar­menn græða mun minna á því að selja tón­list­ina sína í gegnum tón­list­ar­veitur á borð við Spotify en þeir gera á því að selja staf­rænar plötur og lög í gegnum þjón­ustur á borð við iTu­nes.  Spotify greiðir reyndar 70 pró­sent af öllum tekjum sínum til plötu­út­gef­anda, í ár verður sú tala um millj­arður Banda­ríkja­dala eða 123 millj­arðar króna. Spotify áætlar að hver spilun skili lista­manni á milli 0,006 og 0,0084 Banda­ríkja­dala í höf­unda­rétt­ar­greiðsl­um, sem gera um 0,7 ­upp í rúma eina krón­ur. Það finnst mörgum lista­mönn­um, meðal ann­ars Taylor Swift, alls ekki vera nóg.

Spotify seg­ist elska Taylor Swift

Spotify birti yfir­lýs­ingu á heima­síðu sinni í dag vegna aðgerða Swift. Þar segir að fyr­ir­tækið elski Taylor Swift og að yfir 40 millj­ónir Spoti­fy-not­endur elski hana enn meira. Nálægt 16 millj­ónir þeirra hafi hlustað á lag með henni síð­asta mán­uð­inn og tón­list hennar væri að finna á meira en 19 þús­und spil­un­ar­listum not­enda Spoti­fy.

„Við von­umst til þess að hún skipti um skoðun og legg­ist á árar með okkur við að byggja upp nýtt tón­list­ar­hag­kerfi sem virkar fyrir alla. Við trúum því að aðdáa­endur eigi að geta hlustað á tón­list hvar sem er og hvenær sem er, og að lista­menn eigi algjöran rétt til þess að fá greitt fyrir verk sín og verja sig fyrir sjó­ræn­ingja­starf­semi. Þess vegna borgum við næstum því 70 pró­sent af tekjum okkar aftur til tón­list­ar­sam­fé­lags­ins“.

Spotify er metið á nærri fjóra millj­arða dala, um 490 millj­arða króna. The Journal greindi frá því í sumar að Spotify sé mögu­lega til sölu fyrir yfir tíu millj­arði dala, um 1.225 millj­arða króna.