Skófram­leið­and­inn Con­ver­se, sem er í eigu fat­ar­isans Ni­ke, hefur stefnt 31 smá­sölu­keðju, meðal ann­ars Wal­mart, Kmart, Skechers og H&M, fyrir að fram­leiða og selja eft­ir­lík­ingar af hinum goð­sagna­kenndu "Chuck" striga­skóm. Huffington Post segir frá mál­inu.

Í frétta­til­kynn­ingu sem Con­verse sendi fjöl­miðlum vegna máls­ins er haft eftir Jim Cal­houn for­stjóra fyr­ir­tæk­is­ins að "Chuck Taylor" striga­skórnir hafi notið fádæma vin­sælda til fjölda ára, og á síð­ustu hund­rað árum hafi Con­verse selt um millj­arð skópara af þessum vin­sælu striga­skóm víða um heim. "Við fögnum heið­ar­legri sam­keppni, en teljum að önnur fyr­ir­tæki hafi engan rétt til þess að herma eftir sögu­frægu útliti "Chuck" striga­skó­s­ins."

Con­verse All-Star striga­skórnir komu fyrst á markað árið 1917. Í upp­hafi þriðja ára­tug­ar­ins var nafni þeirra breytt í Chuck Taylor All-St­ars eftir sam­nefndum körfu­bolta­manni, sem varð mik­ill tals­maður þeirra, og ruddi þar með braut­ina fyr­ir­ ­skófram­leið­endur að merkja vörur sín­ar frægum ein­stak­lingum við mark­aðs­setn­ingu þeirra.

Í upp­hafi var saumað stjörnu­laga merki á skóna til að vernda ökkla körfu­bolta­leik­manna, en striga­skórnir með gúmmí­tána þró­uð­ust úr því að vera fyrst og síð­ast íþrótta­skór yfir í það að verða gríð­ar­lega vin­sælir á meðal gruggrokk­ara og pönk­ara á níunda ára­tugn­um.

Í stefnu Con­ver­se, sem var þing­fest fyrir dóm­stólum í New York í síð­ustu viku, er því haldið fram að fram­leiðsla eft­ir­lík­inga á vörum fyr­ir­tæk­is­ins hafi snar­auk­ist síðan árið 2008. Fyr­ir­tæk­ið, sem sendi einnig kvörtun til­ fram­kvæmda­stjórnar Alþjóð­lega versl­un­ar­ráðs­ins vegna máls­ins, krefst skaða­bóta úr hendi hinna stefndu sem verði ákvarð­aðar fyrir dóm­stól­um. Miðað við útbreiðslu eft­ir­lík­inga af Chuck striga­skón­um, má reikna með að skaða­bæt­urnar muni nema him­in­há­aum fjár­hæð­um, fall­ist dóm­stólar á mála­til­búnað Con­ver­se.

Wal­mart, Kmart og H&M urðu ekki við beiðni Huffington Post um við­brögð við stefnu Con­ver­se. Þá sagði tals­kona Skechers skófram­leið­and­ans að fyr­ir­tæk­inu hafi ekki enn borist stefna Con­ver­se, og því muni fyr­ir­tækið ekki tjá sig að svo stöddu.