Dagur B. Egg­erts­son borg­ar­stjóri seg­ist ætla að gefa það út þegar hann losnar úr sótt­kví hvort hann verði í fram­boði fyrir Sam­fylk­ing­una í Reykja­vík í borg­ar­stjórn­ar­kosn­ingum í vor, en það verði von­andi um helg­ina eða strax eftir helgi. Frá þessu segir hann í færslu á Face­book í dag.

Þar segir hann einnig frá því að hann og fjöl­skylda hans hafi verið í sótt­kví eða ein­angrun und­an­farna daga, í kjöl­far þess að eitt barn­anna greind­ist með kór­ónu­veirusmit. „Vonum að það versta sé afstaðið og aðrir hafa hingað til ekki smit­ast. Öllum líður vel,“ skrifar Dag­ur.

Hann segir nokkra fjöl­miðla hafa verið í sam­bandi í dag og í gær til að spyrja um fram­boðs­mál hans, en Dagur hafði áður sagt að hann hygð­ist gera grein fyrir þeim eftir hátíð­ar.

„Margir hafa verið í sam­bandi við mig um þau mál að und­an­förnu sem ég er þakk­látur fyr­ir. Ég vona að það mæti skiln­ingi að ég muni ekki segja frá nið­ur­stöðu minni fyrr en sótt­kví lýkur sem verður von­andi um helg­ina eða strax eftir helg­i,“ skrifar Dag­ur, sem hefur verið borg­ar­stjóri í Reykja­vík óslitið frá 2014.

Dagur hefur setið í borg­­ar­­stjórn lengur en nokkur annar sem þar situr nú, eða frá árinu 2002, fyrst fyrir Reykja­vík­­­ur­list­ann en síðan fyrir Sam­­fylk­ing­una. Áður en hann varð borg­ar­stjóri árið 2014 hafði hann einnig verið borg­­ar­­stjóri í hund­rað daga, frá októ­ber 2007 til jan­úar 2008.

Eina skiptið á ferli Dags sem hann hefur setið í minn­i­hluta er kjör­­tíma­bilið 2006 til 2010, að und­an­­skildum áður­­­nefndum 100 dög­um, en miklar svipt­ingar voru í borg­­ar­­stjórn á þeim árum og alls fjórir meiri­hlutar mynd­að­­ir.

Sam­fylk­ingin hefur ákveðið að bind­andi flokksval verði notað til að velja í efstu sex sætin á lista flokks­ins í Reykja­vík, en það mun fara fram 12.-13. febr­ú­ar. Atkvæð­is­rétt í flokksval­inu hafa bæði flokks­menn og stuðn­ings­menn flokks­ins, eldri en 16 ára.